ଇଣ୍ଡିଆନ୍ ପ୍ରିମିୟର ଲିଗ୍ ୨୦୨୧ ପାଇଁ ପ୍ରସ୍ତୁତି ଆରମ୍ଭ ହୋଇଯାଇଛି। ଫେବୃଆରୀରେ ହେବାକୁ ଥିବା ମିନି ଅକ୍ସନ ପୂର୍ବରୁ ଚେନ୍ନାଇ ସୁପର୍ କିଙ୍ଗ୍ସ ସହ ସ୍ପିନର୍ ହରଭଜନ ସିଂଙ୍କ କାର୍ଯ୍ୟକାଳ ସମାପ୍ତ ହୋଇଛି। ବୁଧବାର ଟୁଇଟ କରି ସେ ଏ ବିଷୟରେ ସୂଚନା ଦେଇଛନ୍ତି। ବ୍ୟକ୍ତିଗତ କାରଣରୁ ସେ ମଧ୍ୟ ଗତ ସିଜନରେ ଖେଳିପାରି ନ ଥିଲେ। ହରଭଜନ କହିଛନ୍ତି ଯେ, ଚେନ୍ନାଇ ସୁପର ସହିତ ମୋର ଚୁକ୍ତି ଶେଷ ହୋଇଛି। ଏହି ଦଳ ସହିତ ଖେଳିବା ଏକ ଭଲ ଅନୁଭୂତି ଥିଲା। ସୁନ୍ଦର ସ୍ମୃତି ଏବଂ କିଛି ଭଲ ବନ୍ଧୁ ଯାହା ମୁଁ ଆଗାମୀ ବର୍ଷରେ ମନେ ରଖିବ। ଚେନ୍ନାଇ ସୁପର କିଙ୍ଗ୍ସ ମ୍ୟାନେଜମେଣ୍ଟ, ଷ୍ଟାଫ ଏବଂ ଫ୍ୟାନ୍ସଙ୍କୁ ଧନ୍ୟବାଦ … ଦୁଇ ମହାନ ବର୍ଷ…ଅଲ୍ ଦ ବେଷ୍ଟ। ହରଭଜନ ସିଂଙ୍କୁ ଚେନ୍ନାଇ ସୁପର କିଙ୍ଗ୍ସ ଆଇପିଏଲ୍ ୨୦୧୮ରେ ଦଳରେ ସାମିଲ କରିଥିଲା। ୨୦୧୮ରେ ହରଭଜନ ୧୩ଟି ମ୍ୟାଚ୍ ଖେଳି ୭ଟି ଉଇକେଟ୍ ନେଇଥିବାବେଳେ ୨୦୧୯ରେ ୧୧ଟି ମ୍ୟାଚ୍ରେ ୧୬ଟି ଉଇକେଟ୍ ନେଇଥିଲେ।