ଇଣ୍ଡିଆନ୍ ପ୍ରିମିୟର ଲିଗ୍(ଆଇପିଏଲ୍)ର ୧୪ତମ ସଂସ୍କରଣ ୨୦୨୧ ଚେନ୍ନାଇରେ ଏପ୍ରିଲ ୯ରୁ ଆରମ୍ଭ ହେବାକୁ ଯାଉଛି। ଏ ନେଇ ସମସ୍ତ ଖେଳାଳି ସେମାନଙ୍କ ଟିମ୍ ନିକଟରେ ପହଞ୍ଚି ସାରିଛନ୍ତି। ବିଦେଶର ଖେଳାଳିମାନେ ମଧ୍ୟ ଭାରତରେ ପହଞ୍ଚି ସାରିଲେଣି। ଏହାରି ମଧ୍ୟରେ ଅଷ୍ଟ୍ରେଲିଆର କିମ୍ବଦନ୍ତୀ କ୍ରିକେଟର ତଥା ଆପିଏଲ୍ ତାରକା ଡେଭିଡ୍ ଓ୍ବାର୍ନର ସନରାଇଜର୍ସ ହାଇଦ୍ରାବାଦରେ ଶାମିଲ ପାଇଁ ଘରୁ ବାହାରି ସାରିଛନ୍ତି। କରୋନା ଯୋଗୁ ଏଥର ସେ ନିଜ ପରିବାରକୁ ସାଥୀରେ ଭାରତ ଆଣିନାହାନ୍ତି। ଏମିତିରେ ଓ୍ବାର୍ନର ଯିବା ସମୟରେ ତାଙ୍କର ୨ ଝିଅ ବାପାଙ୍କୁ ଆଲିଙ୍ଗନ କରି କାନ୍ଦୁଥିବାର ଦେଖିବାକୁ ମିଳୁଛି। ଓ୍ବାର୍ନରଙ୍କ ସ୍ତ୍ରୀ କ୍ୟାଣ୍ଡିସ ଓ୍ବାର୍ନର ସୋସିଆଲ ମିଡିଆରେ ସ୍ବାମୀଙ୍କ ଏହି ବିଦାୟ ସମୟର ଫଟୋ ପୋଷ୍ଟ କରିଛନ୍ତି। ଏହି ଫଟୋକୁ ଶେୟାର କରି କ୍ୟାଣ୍ଡିସ ଲେଖିଛନ୍ତି, ବିଦାୟ ବାପା, ଓ୍ବି ଲଭ୍ ୟୁ। @ ସନରାଇଜର୍ସ ପ୍ରସ୍ତୁତ ହୋଇଯାଅ, ଡେଭିଡ ଓ୍ବାର୍ନର ଆସୁଛନ୍ତି # IPL୨୦୨୧# OoangeArmy।
ତାଙ୍କର ଏହି ଫଟୋରେ ସନରାଇଜର୍ସଙ୍କ ଫ୍ରାଞ୍ଚାଇଜ୍ ଟୁଇଟ୍କରି ଲେଖିଛନ୍ତି, କ୍ୟାପଟେନ୍ ଶୀଘ୍ର ଦେଖାହେବ। ଆମେ ତାଙ୍କର ଭଲଭାବେ ଯତ୍ନନେବୁ, @ Candice Warner୩୧।