ମୁମ୍ବାଇ,୨୯।୪: ଆଇପିଏଲ ୧୪ତମ ସିଜିନରେ କୋଲକତା ନାଇଟ୍ ରାଇଡର୍ସର ଷ୍ଟାର ଅଲରାଉଣ୍ଡର ଆନ୍ଦ୍ରେ ରଶେଲ ଖରାପ ଫର୍ମରେ ଅଛନ୍ତି। ବିସ୍ଫୋରକ ବ୍ୟାଟିଂ ପାଇଁ ପ୍ରସିଦ୍ଧ ରଶେଲ ଚଳିତ ସିଜିନ୍ରେ ଖାସ୍ ପ୍ରଦର୍ଶନ କରିପାରିନାହାନ୍ତି। ଚଳିତ ସିଜିନ୍ରେ ୩୨ ବର୍ଷୀୟ ଏହି ଅଲରାଉଣ୍ଡର ମାତ୍ର ୧୯.୬୬ ହାରରେ ରନ୍ କରିଛନ୍ତି। ରାଜସ୍ଥାନ ରୟାଲ୍ସ ବିପକ୍ଷ ମ୍ୟାଚ୍ରେ ବ୍ୟାଟିଂରେ ବିଫଳ ହେବା ପରେ ସେ ଇନ୍ଷ୍ଟାଗ୍ରାମରେ ଏକ ପୋଷ୍ଟ ଫଟୋ ଶେୟାର କରିଥିଲେ। ଫଟୋ ସେ ଏକ ମଦ ବୋତଲ ଧରି ଲେଖିଥିଲେ ଏହା ସବୁ ସମୟରେ ସାହାଯ୍ୟ କରେ। ଏହି ପୋଷ୍ଟ ଏବେ ଭାଇରାଲ ହେବାରେ ଲାଗିଛି। ସୂଚନାଯୋଗ୍ୟ, ଗତ କିଛି ବର୍ଷ ହେବ କୋଲକତା ନାଇଟ୍ ରାଇଡର୍ସର ମୁଖ୍ୟ ଖେଳାଳି ହୋଇଆସିଛନ୍ତି। ନିଜ ପ୍ରଦର୍ଶନ ଜରିଆରେ ଦଳକୁ ସେ ଅନେକ ମ୍ୟାଚ୍ ଜିତାଇଛନ୍ତି। ସେ ଆଇପିଏଲ୍ରେ ୮୦ ମ୍ୟାଚ୍ ଖେଲି ୨୮.୬୮ ହାରରେ ୧୬୩୫ ରନ୍ କରିଛନ୍ତି। ସେ ୬୮ଟି ଉଇକେଟ୍ ମଧ୍ୟ ନେଇଛନ୍ତି।
ବି.ଦ୍ର: ମଦ ପିଇବା ଶରୀର ପକ୍ଷେ ହାନିକାରକ