ଅହମଦାବାଦ,୩୦।୪: ଆଇପିଏଲ ୨୦୨୧ ରେ ୨୧ ବର୍ଷ ବୟସ୍କ ଯୁବ ବ୍ୟାଟ୍ସମ୍ୟାନ ପୃଥ୍ବୀ ଶ’ ନିଜ ଚମତ୍କାର ପ୍ରଦର୍ଶନ ଜାରି ରଖିଛନ୍ତି। ସେ ଦିଲ୍ଲୀ କ୍ୟାପିଟାଲ୍ସ ପାଇଁ ଖେଳୁଥିବାବେଳେ କେକେଆର ବିପକ୍ଷରେ ୧୮ଟି ବଲରେ ଅର୍ଦ୍ଧଶତକ ଖେଳିଥିଲେ। ଏହା ହେଉଛି ସିଜିନର ଦ୍ରୁତତମ ଅର୍ଦ୍ଧଶତକ। ଦିଲ୍ଲୀର ଦ୍ରୁତତମ ଅର୍ଦ୍ଧଶତକ ହାସଲ କରିବାରେ ସେ ଦ୍ୱିତୀୟ ସ୍ଥାନରେ ଅଛନ୍ତି। ଚଳିତ ସିଜନରେ ଦିଲ୍ଲୀ ଦଳ ଭଲ ଆରମ୍ଭ କରିଛି।
ଦିଲ୍ଲୀର ଇନିଂସର ପ୍ରଥମ ଓଭରରେ ଶିବମ ମାଭିଙ୍କ ୬ଟି ବଲରୁ ଲଗାତାର ୬ଟି ଚୌକା ମାରିଥିଲେ ପୃଥ୍ବୀ ଶ’। ଆଇପିଏଲ ଇତିହାସରେ ପ୍ରଥମ ଓଭରରେ ଏମିତି କାରନାମା କରିବାରେ ସେ ପ୍ରଥମ ଖେଳାଳି ହୋଇଥିଲେ। ଏହାପୂର୍ବରୁ, ୨୦୧୨ ରାଜସ୍ଥାନ ରୟାଲ୍ସରୁ ଖେଳୁଥିବାବେଳେ ଅଜିଙ୍କେ ରାହାଣେ ଏକ ଓଭରରେ ୬ଟି ଚୌକା ମାରିଥିଲେ। ସେ ଏହାକୁ ଆରସିବି ବିପକ୍ଷରେ କରିଥିଲେ ଏବଂ ଏହା ଇନିଂସର ୧୪ତମ ଓଭର ଥିଲା। ବୋଲର ଥିଲେ ଶ୍ରୀସନ୍ତ ଅରବିନ୍ଦ। ସେହି ମ୍ୟାଚରେ ରାହାନେ ମଧ୍ୟ ଅପରାଜିତ ଶତକ ହାସଲ କରିଥିଲେ। ଏହା ବ୍ୟତୀତ, ୨୦୧୩ରେ ଲୁକ ରାଇଟ ମଧ୍ୟ ଏକ ଓଭରରେ ୬ଟି ଚୌକା ମାରିଥିଲେ।
ଆଇପିଏଲର ଦ୍ରୁତତମ ଅର୍ଦ୍ଧଶତକର ରେକର୍ଡ ପଞ୍ଜାବ କିଙ୍ଗ୍ସ ପାଇଁ ଖେଳୁଥିବା କେ.ଏଲ ରାହୁଲଙ୍କ ନାମରେ ଅଛି। ସେ ୨୦୧୮ରେ ଦିଲ୍ଲୀ କ୍ୟାପିଟାଲ୍ସ ବିପକ୍ଷରେ ଏହି ରେକର୍ଡ ସୃଷ୍ଟି କରିଛନ୍ତି।
