ମୁମ୍ବାଇ,୧୪।୪: ଆଇପିଏଲର ୧୪ତମ ସିଜନ ଗତିଶୀଳ ହେବା ଆରମ୍ଭ କରିଛି। ଏହି ସମୟରେ ଦିଲ୍ଲୀ କ୍ୟାପିଟାଲ୍ସ ପଏଣ୍ଟ ଟେବୁଲର ଶୀର୍ଷରେ ଥିବାବେଳେ ରୋହିତ ଶର୍ମାଙ୍କ ନେତୃତ୍ୱଧୀନ ମୁମ୍ବାଇ ଇଣ୍ଡିଆନ୍ସ ଦ୍ୱିତୀୟରେ ଅଛି। ମୁମ୍ବାଇ କୋଲକାତାକୁ ୧୦ ରନ୍ରେ ପରାସ୍ତ କରି ଆଇପିଏଲର ସିଜିନରେ ପ୍ରଥମ ବିଜୟ ଲାଭ କରିଛି। ତେବେ ଏହି ମ୍ୟାଚ ପୂର୍ବରୁ ଅନଲାଇନ ଖାଦ୍ୟ ବିତରଣ ଆପ ସ୍ବିଗି ଟାର୍ଗେଟରେ ଆସିଥିଲା। ମ୍ୟାଚ ଆରମ୍ଭ ହେବା ପୂର୍ବରୁ ସ୍ବିଗିି ମୁମ୍ବାଇ ଅଧିନାୟକ ରୋହିତ ଶର୍ମାଙ୍କ ଉପରେ ମନ୍ତବ୍ୟ ଦେଇଥିଲା। ଯାହା ତାଙ୍କୁ ଭାରୀ ପଡିଛି। ଏବେ ସୋସିଆଲ ମିଡିଆରେ ବଏକୋଟସ୍ବିଗି ଟ୍ରେଣ୍ଡ କରୁଛି। ମ୍ୟାଚ ପୂର୍ବରୁ ଜଣେ ୟୁଜର୍ସ ସୋସିଆଲ ମିଡିଆରେ ରୋହିତଙ୍କ ଏକ ଫଟୋ ଶେୟାର କରିଥିଲେ, ଯେଉଁଥିରେ ରୋହିତ ଭଡା ପାଭକୁ ଡେଇଁଥିବାର ନଜର ଆସିଛନ୍ତି। ଏହି ଫଟୋକୁ ରିଟୁଇଟ କର ସ୍ବିଗି କହିଥିଲା, ସମାଲୋଚକମାନେ କହିବେ ଯେ ଏହା ହେଉଛି ଫୋଟୋଶପ, ସ୍ବିଗି ବୋଧହୁଏ ପ୍ରଶଂସକଙ୍କ ମୁହଁରେ ହସ ଆଣିବାକୁ ଚାହୁଁଥିଲା, କିନ୍ତୁ ତାର ଏହି ଆଭିମୁଖ୍ୟ ପଛଘୁଞ୍ଚା ଦେଇଥିଲା। ପ୍ରଶଂସକମାନେ ତାଙ୍କୁ ଟ୍ରୋଲ କରିବା ଆରମ୍ଭ କଲେ। ଯାହା ପରେ ସ୍ବିଗିକୁ ଏହି ଟୁଇଟ ଡିଲିଟ କରିବାକୁ ପଡିଲା। ପ୍ରଶଂସକମାନେ ଏହି ଟୁଇଟ ଉପରେ ଏତେ ରାଗିଗଲେ ଯେ ସେମାନେ ସ୍କ୍ରିନସଟ ଶେୟାର୍ କରିବା ଆରମ୍ଭ କଲେ। ଏହାପରେ ସୋସିଆଲ ମିଡିଆରେ ବୟକଟ୍ସ୍ବିଗି ଟ୍ରେଣ୍ଡ୍ ଆରମ୍ଭ ହୋଇଯାଇଥିଲା।
