ପୁଣେ,୫।୫: ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁର (ଆରସିବି) ଏବଂ ଚେନ୍ନାଇ ସୁପର କିଙ୍ଗ୍ସ (ସିଏସକେ) ମଧ୍ୟରେ ଖେଳାଯାଇଥିବା ଆଇପିଏଲ ମ୍ୟାଚ ସମୟରେ ଏକ ପ୍ରେମ ଯୋଡି ଟିଭିରେ ସମଗ୍ର ବିଶ୍ୱର ଦୃଷ୍ଟି ଆକର୍ଷଣ କରିଥିଲେ। ଲାଇଭ ମ୍ୟାଚ ସମୟରେ ଷ୍ଟାଡିୟମରେ ଉପସ୍ଥିତ ଥିବା ଜଣେ ଯୁବତୀ ନିଆରା ଢଙ୍ଗରେ ନିଜ ପ୍ରେମ ପ୍ରକାଶ କରିଥିଲେ। ଯୁବତୀ ଜଣଙ୍କ ମୁଦି ପିନ୍ଧାଇ ପ୍ରେମିକଙ୍କୁ ପ୍ରପୋଜ କରିଥିଲେ। ଏହି ଯୋଡିଙ୍କ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଚେନ୍ନାଇ ସୁପର କିଙ୍ଗ୍ସର ବ୍ୟାଟିଂ ସମୟର ଏକାଦଶ ଓଭରରେ ଏହି ଘଟଣା ଘଟିଥଲା। ସେହି ସମୟରେ ଦର୍ଶକଙ୍କ ମଧ୍ୟରେ ଉପସ୍ଥିତ ଥିବା ଯୁବତୀ ତାଙ୍କ ପ୍ରେମିକଙ୍କୁ ପ୍ରପୋଜ କରିଥିଲେ। ଯୁବତୀ ସମସ୍ତଙ୍କ ସାମ୍ନାରେ ଆଣ୍ଠୁମାଡି ପ୍ରେମିକଙ୍କୁ ମୁଦି ପିନ୍ଧାଇଥିଲେ। ଏହା ପରେ ଆରସିବି ଜର୍ସିରେ ଥିବା ଏହି ଯୁବକ ତାଙ୍କ ପ୍ରେମିକାଙ୍କ ପ୍ରସ୍ତାବକୁ ଗ୍ରହଣ କରିଥିଲେ।