ନୂଆଦିଲ୍ଲୀ,୧୩।୨:ଭାରତୀୟ ଅଲରାଉଣ୍ଡର ଶିବମ ଦୁବେଙ୍କ ପାଇଁ ଫେବୃଆରୀ ୧୩ ଅର୍ଥାତ୍ ଆଜିର ଦିନ ଅବିସ୍ମରଣୀୟ ହୋଇ ରହିବ। କାରଣ ଆଜି ଦୁଇଟି ଖୁସି ଖବର ମିଳିଛି। ସକାଳେ ସେ ବାପା ହୋଇଥିବାବେଳେ ଅପରାହ୍ନରେ ଚେନ୍ନାଇ ସୁପର କିଙ୍ଗ୍ସ କୋଟି କୋଟି ଟଙ୍କାରେ ତାଙ୍କୁ ଦଳରେ ସାମିଲ କରିଛି। ନିଲାମ ପାଇଁ ଶିବମ ତାଙ୍କର ମୂଳ ମୂଲ୍ୟ ୫୦ ଲକ୍ଷ ଟଙ୍କା ରଖିଥିଲେ। ତାଙ୍କୁ ମହେନ୍ଦ୍ର ସିଂ ଧୋନୀଙ୍କ ନେତୃତ୍ୱରେ ଚେନ୍ନାଇ ତାଙ୍କୁ ୪ କୋଟି ଟଙ୍କାରେ କିଣିଥିଲା।
ଙ୍ଶିବମ ଦୁବେ ଜୁଲାଇ୧୬, ୨୦୨୧ରେ ଗର୍ଲଫ୍ରେଣ୍ଡ ଅଞ୍ଜୁମ ଖାନଙ୍କୁ ବିବାହ କରିଥିଲେ। ଅଞ୍ଜୁମ ରବିବାର ଏକ ପୁତ୍ର ସନ୍ତାନ ଜନ୍ମ ଦେଇଛନ୍ତି। ଶିବମଙ୍କ ମୂଲ୍ୟରେ କ୍ରମାଗତ ହ୍ରାସ ଘଟିଛି। ତାଙ୍କୁ ୨୦୧୯ ଆଇପିଏଲ ନିଲାମରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ ୫ କୋଟି ଟଙ୍କାରେ କିଣିଛି। ଏହା ପରେ ରାଜସ୍ଥାନ ରୟାଲ୍ସ ତାଙ୍କୁ ୨୦୨୧ ନିଲାମରେ ୪.୪୦ କୋଟି ଟଙ୍କାରେ କିଣିଛି। ଏବେ ଚେନ୍ନାଇ ତାଙ୍କୁ ଚାରି କୋଟି ଟଙ୍କାରେ ନିଜ ଦଳରେ ସାମିଲ କରିଛି।
ଦୁବେଙ୍କ କ୍ୟାରିୟର ବିଷୟରେ କହିବାକୁ ଗଲେ ସେ ଗୋଟିଏ ଦିନିକିଆ ମ୍ୟାଚରେ ୯ ରନ ସଂଗ୍ରହ କରିଛନ୍ତି। ୧୩ ଟି-୨୦ ମ୍ୟାଚରେ ସେ ହାରାହାରି ୧୭.୫ରେ ୧୦୫ ରନ ସଂଗ୍ରହ କରିଛନ୍ତି। ସେ ଏକ ଅର୍ଦ୍ଧଶତକ ମଧ୍ୟ ହାସଲ କରିଛନ୍ତି। ତାଙ୍କର ସର୍ବାଧିକ ସ୍କୋର ହେଉଛି ୫୪ ରନ। ବୋଲିଂ ବିଷୟରେ କହିବାକୁ ଗଲେ ସେ ଟି-୨୦ ମ୍ୟାଚ୍ରେ ପାଞ୍ଚଟି ଉଇକେଟ ନେଇଛନ୍ତି। ସେ ହାରାହାରି ୨୨.୧୭ରେ ୨୨ଟି ଆଇପିଏଲ ମ୍ୟାଚ ରେ ୩୯୯ ରନ କରିଛନ୍ତି। ତାଙ୍କର ଷ୍ଟ୍ରାଇକ ହାର ହେଉଛି ୧୨୦.୫୪ ଆଇପିଏଲରେ ସେ ୮.୩ ହାରରେ ଚାରିଟି ଉଇକେଟ ନେଇଛନ୍ତି।