ପୁଣେ,୧୫।୪: ଆଇପିଏଲ୍ ୨୦୨୨ର ପଏଣ୍ଟ ଟେବୁଲରେ ଗୁଜରାଟ ଟାଇଟାନ୍ସ ଶୀର୍ଷରେ ପହଞ୍ଚିଛି। ଗୁରୁବାର ଅନୁଷ୍ଠିତ ମ୍ୟାଚରେ ରାଜସ୍ଥାନ ରୟାଲ୍ସକୁ ପରାସ୍ତ କରି ଗୁଜରାଟ ଶୀର୍ଷ ସ୍ଥାନ ହାସଲ କରିଛି। ଏହାପୂର୍ବରୁ ରାଜସ୍ଥାନ ଶୀର୍ଷରେ ଥିଲା।
ଏବେ ଗୁଜରାଟ ୫ଟି ମ୍ୟାଚରେ ୪ଟି ବିଜୟ ସହ ମୋଟ ୮ ପଏଣ୍ଟ ଥିବାବେଳେ ଦ୍ୱିତୀୟରୁ ଷଷ୍ଠ ସ୍ଥାନରେ ଥିବା ଦଳଗୁଡିକ ସେମାନଙ୍କ ଆକାଉଣ୍ଟରେ ୬-୬ ପଏଣ୍ଟ ପାଇଛନ୍ତି। ତେବେ ରାଜସ୍ଥାନ ରୟାଲ୍ସ(ଆରଆର)ର ଖେଳାଳିମାନେ ପର୍ପଲ ଏବଂ ଅରେଞ୍ଜ୍ କ୍ୟାପ ବଜାୟ ରଖିଛନ୍ତି। ଚଳିତ ସିଜିନ୍ ଆରଆର ୟୁଜଭେନ୍ଦ୍ର ଚହଲ ସର୍ବାଧିକ ଉଇକେଟ ନେଇଛନ୍ତି। ଏଥିସହିତ ରାଜସ୍ଥାନ ରୟାଲ୍ସର ଓପନର୍ ଜୋସ ବଟଲର୍ ଚଳିତ ସିଜିନର ସର୍ବାଧିକ ରନ ସ୍କୋରର ହୋଇ ଅରେଞ୍ଜ୍ କ୍ୟାନ୍ ନିଜ ପାଖରେ ରଖିଛନ୍ତି।
