ନୂଆଦିଲ୍ଲୀ,୨୦।୫: ଆଇପିଏଲ ୨୦୨୪ର ପ୍ଲେ ଅଫ ପର୍ଯ୍ୟାୟ ୨୧ ମେ’ରୁ ଆରମ୍ଭ ହେଉଛି। ସନରାଇଜର୍ସ ହାଇଦ୍ରାବାଦ(ଏସଆରଏଚ୍ ), କୋଲକାତା ନାଇଟ ରାଇଡର୍ସ (କେକେଆର୍), ରାଜସ୍ଥାନ ରୟାଲ୍ସ (ଆରଆର) ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ଏହି ଚାରିଟି ଦଳ ପ୍ଲେ ଅଫରେ ଅଛନ୍ତି। ଚେନ୍ନାଇର ଚେପାକ ଷ୍ଟାଡିୟମରେ ୨୬ ମେ’ରେ ସିଜିନର ଫାଇନାଲ ଖେଳାଯିବ। ଏବେ ପ୍ରଶଂସକଙ୍କ ପାଇଁ ଏକ ଖୁସି ଖବର ହେଉଛି ଆଇପିଏଲ ୨୦୨୪ ଫାଇନାଲ ପାଇଁ ଟିକେଟ୍ ବିକ୍ରି ଆରମ୍ଭ ହୋଇଛି। ଫାଇନାଲ ମ୍ୟାଚ ପାଇଁ ଆପଣ କିପରି ଟିକେଟ୍ କିଣି ପାରିବେ ଜାଣନ୍ତୁ । ଏହା ବ୍ୟତୀତ ସବୁଠାରୁ ଶସ୍ତା ଏବଂ ମହଙ୍ଗା ଟିକେଟ୍ କେତେ ଅଛି ଆମେ ଆପଣଙ୍କୁ କହିବୁ…
ଆଇପିଏଲ ୨୦୨୪ର ଫାଇନାଲ ପାଇଁ ଟିକେଟ୍ ଆରମ୍ଭ ମୂଲ୍ୟ ୩୫୦୦ଟଙ୍କା ରଖାଯାଇଛି ଏବଂ ଷ୍ଟାଣ୍ଡ ଅନୁଯାୟୀ ସବୁଠାରୁ ମହଙ୍ଗା ଟିକେଟ ମୂଲ୍ୟ ୭,୫୦୦ ଟଙ୍କା ସ୍ଥିର କରାଯାଇଛି। ଗୋଟିଏ କଥା ଧ୍ୟାନ ଦେବା ଉଚିତ ଯେ ବର୍ତ୍ତମାନ କେବଳ ରୁପେ କାର୍ଡ ଧରିଥିବା ଲୋକମାନେ ଏହି ଟିକେଟ୍ କିଣି ପାରିବେ। ଅନ୍ୟ ସମସ୍ତ ଲୋକଙ୍କ ପାଇଁ ଆସନ୍ତାକାଲିଠାରୁ ଟିକେଟ୍ ବିକ୍ରି ଆରମ୍ଭ ହେବ ।
