ଚଳିତବର୍ଷ ଆଇପିଏଲରେ ଚେନ୍ନାଇ ସୁପରକିଙ୍ଗ୍ସ ପ୍ରଥମ ମ୍ୟ୍ୟାଚ୍ ବିଜୟରୁ ଆରମ୍ଭ କରିଥିଲା। କିନ୍ତୁ ଗତ ଦୁଇଟି ମ୍ୟାଚ୍ରେ ଦଳକୁ ପରାଜୟର ସାମ୍ନା କରିବାକୁ ପଡିଛି। ଦଳର ଲଗାତର ପରାଜୟକୁ ନେଇ ପ୍ରଶ୍ନ ଉଠିଛି। ଅଧିନାୟକ ମହେନ୍ଦ୍ର ସିଂ ଧୋନୀଙ୍କ ବ୍ୟାଟିଂ କରିବା ସ୍ଥାନକୁ ନେଇ ପ୍ରଶ୍ନ ଉଠିଛି। ଗତ ୩ଟି ମ୍ୟାଚ୍ରେ ଧୋନୀ ୬ କିମ୍ବା ୭ ନମ୍ବର ସ୍ଥାନରେ ବ୍ୟାଟିଂ କରିବାକୁ ଆସିଥିଲେ। ଧୋନୀଙ୍କ ଏଭଳି ନିଷ୍ପତ୍ତିକୁ ନାପସନ୍ଦ କରିଛନ୍ତି ପୂର୍ବତନ ବିସ୍ଫୋରକ ବ୍ୟାଟ୍ସମ୍ୟାନ୍ ବୀରେନ୍ଦ୍ର ସେହ୍ବାଗ। ଧୋନୀ ନିଜ ଜିଦ୍ରେ ଅଡି ବସିଛନ୍ତି। ତାଙ୍କୁ ନିଜ ବ୍ୟାଟିଂ ସ୍ଥାନ ବଦଳାଇବା ଆବଶ୍ୟକ ବୋଲି ସେ ମତ ଦେଇଛନ୍ତି। ଗତ ମ୍ୟାଚ୍ରେ ଚେନ୍ନାଇ ଦଳ କଠିନ ପରିସ୍ଥିତିରେ ଥିଲା। କିନ୍ତୁ ଧୋନୀ ଆଗୁଆ ଆସିଲେ ନାହିଁ। ଏମିତି ଲାଗୁଛି ବୁଲେଟ୍ ଟ୍ରେନ୍ ପଛେ ଆସିଯିବ କିନ୍ତୁ ଧୋନୀ ୪ର୍ଥ ସ୍ଥାନରେ ବ୍ୟାଟିଂ କରିବାକୁ ଆସିବେ ନାହିଁ। ମୋଦି ଜୀ ଆପଣ ଧୋନୀଙ୍କୁ ବୁଝାନ୍ତୁ ବୋଲି ସେହ୍ବାଗ କହିଛନ୍ତି। ଚଳିତ ଟୁର୍ନାମେଣ୍ଟରେ ଧୋନୀଙ୍କ ଦଳ ପ୍ରଥମ ମ୍ୟାଚ୍ରେ ମୁମ୍ବାଇକୁ ପରାସ୍ତ କରିଥିଲେ। ଏହାପରେ ରାଜସ୍ଥାନ ରୟାଲ୍ସ ଏବଂ ଦିଲ୍ଲୀ କ୍ୟାପିଟାଲ୍ସଠାରୁ ପରାଜୟ ଭୋଗିବାକୁ ପଡିଥିଲା। ସୂଚନାଯୋଗ୍ୟ, ଆଇପିଏଲରେ ଯୋଗୁ ସେହ୍ବାଗ ଫେସବୁକ୍ରେ ଏକ ଖାସ୍ ଶୋ’ ବୀରୁ କି ବୈଠକରେ ନଜର ଆସୁଛନ୍ତି।
