ଆଇପିଏଲରେ ଦିଲ୍ଲୀ କ୍ୟାପିଟାଲ୍ସ ଏବଂ କିଙ୍ଗସ ଏକାଦଶ ପଞ୍ଜାବ ମଧ୍ୟରେ ଖେଳାଯାଇଥିବା ୍ମ୍ୟାଚରେ ଶସ୍ତା ଅମ୍ପାୟାରକୁ ନେଇ ଏବେ ଚର୍ଚ୍ଚା ଜୋର ଧରିଛି। ଏହି ପ୍ରସଙ୍ଗରେ କିଙ୍ଗସ ଏକାଦଶ ପଞ୍ଜାବର ମାଲିକାଣୀ ପ୍ରୀତି ଜିଣ୍ଟା ଅମ୍ପାୟାରଙ୍କ ଉପରେ ମଧ୍ୟ କ୍ରୋଧ ଜାହିର କରିଛନ୍ତି। ସେ ଏହି ପ୍ରସଙ୍ଗରେ ପ୍ରଶ୍ନ ଉଠାଇ ବିସିସିଆଇକୁ ଘେରିଛନ୍ତି। ଦିଲ୍ଲୀ କ୍ୟାପିଟାଲ୍ସ ଏବଂ କିଙ୍ଗସ ଏକାଦଶ ପଞ୍ଜାବ ମଧ୍ୟରେ ଖେଳାଯାଇଥିବା ମ୍ୟାଚ୍ରେ ଦିଲ୍ଲୀ ସୁପର ଓଭରରେ ବିଜୟ ଲାଭ କରଥିଲା। କିନ୍ତୁ ଏହାପୂର୍ବରୁ ଅମ୍ପାୟାର ଶର୍ଟ ରନ କହି ପଞ୍ଜାବ ଦଳକୁ ୧୯ଓଭରରେ ୧ ରନ ଦେବାକୁ ମନା କରିଦେଇଥିଲେ। ସୋସିଆଲ ମିଡିଆରେ ନିଜର କ୍ରୋଧ ପ୍ରକାଶ କରି ପ୍ରୀତି ଜିଣ୍ଟା ଲେଖିଛନ୍ତି, ମୁଁ କରୋନା ମହାମାରୀ ସମୟରେ ମ୍ୟାଚ ଦେଖିବା ପାଇଁ ସମ୍ପୂର୍ଣ୍ଣ ଉତ୍ସାହର ସହିତ ୟୁଏଇକୁ ଆସିଥିଲି। ୫ ଥର କୋଭିଡ ପରୀକ୍ଷା କରି ହୋମ କ୍ୱାରାଣ୍ଟାଇନରେ ରହିଥିଲି। କିନ୍ତୁ ଏହି ଗୋଟିଏ ରନ ମୋତେ ଚକିତ କରିଛି। ଏପରି ଟେକ୍ନୋଲୋଜିର ବ୍ୟବହାର କ’ଣ ଯାହା ବ୍ୟବହାର ହୋଇପାରିବ ନାହିଁ? ପ୍ରତିବର୍ଷ ଏହା ହୋଇପାରିବ ନାହିଁ। ଏହାକୁ ରୋକିବା ପାଇଁ ବିସିସିଆଇ ନୂଆ ନିୟମ ଆଣିବା ଆବଶ୍ୟକ। ପଞ୍ଜାବ ଦଳର ପୂର୍ବତନ ପ୍ରଶିକ୍ଷକ ବୀରେନ୍ଦ୍ର ସେହ୍ବାଗ ମଧ୍ୟ ଅମ୍ପାୟାରଙ୍କୁ ସମାଲୋଚନା କରିଥିଲେ। ଅମ୍ପାୟାରଙ୍କ ନିଷ୍ପତ୍ତିକୁ ବିରୋଧ କରି ସେ କହିଛନ୍ତି, ମ୍ୟାନ ଅଫ ଦି ମ୍ୟାଚ ନିଷ୍ପତ୍ତିରେ ମୁଁ ଖୁସି ନୁହେଁ। ମ୍ୟାନ ଅଫ ଦି ମ୍ୟାଚର ପ୍ରକୃତ ହକଦାର ହେଉଛନ୍ତି ଅମ୍ପାୟାର। ଏହା ଏକ ଶର୍ଟ ରନ୍ ରନ ନ ଥିଲା। ଏହି ୧ ରନ୍ ବ୍ୟବଧାନରେ ପଞ୍ଜାବ ଦଳ ହାରିଯାଇଛି। ଏହା ବ୍ୟତୀତ ସଞ୍ଜୟ ମଞ୍ଜରେକର ଏବଂ ଆକାଶ ଚୋପ୍ରା ମଧ୍ୟ ଏହି ନିଷ୍ପତ୍ତିକୁ ସମାଲୋଚନା କରିଛନ୍ତି।
