ନୂଆଦିଲ୍ଲୀ,୫।୧୦: ଇଣ୍ଡିଆନ ପ୍ରିମିୟର ଲିଗ (ଆଇପିଏଲ)ରେ, ପ୍ରତ୍ୟେକ ଦଳର ପ୍ରଶଂସକମାନେ ସେମାନଙ୍କ ଦଳକୁ ସବୁଠାରୁ ଲୋକପ୍ରିୟ ବୋଲି ବିବେଚନା କରନ୍ତି, କିନ୍ତୁ ନିକଟରେ ହୋଇଥିବା ଏକ ରିପୋର୍ଟରୁ ଜଣାପଡିଛି ଯେ କ୍ରୀଡ଼ାପ୍ରେମୀଙ୍କୁ କେଉଁ ଦଳ ଅଧିକ ପସନ୍ଦ ଆସିଛି। ପ୍ରତ୍ୟେକ ଆଇପିଏଲ ଦଳ ସୋସିଆଲ ମିଡିଆରେ ଏବଂ ଷ୍ଟାଡିୟମରେ ଏକ ବିରାଟ ପ୍ରଶଂସକ ଅଛନ୍ତି, କିନ୍ତୁ ପ୍ରକୃତରେ କେଉଁ ଦଳ ଶୀର୍ଷରେ ଅଛିି ତାହା ଜାଣିବା ପାଇଁ ଓରମାକ୍ସ ସ୍ପୋର୍ଟସ ଅଡିଆନ୍ସ ଏକ ସର୍ଭେ କରିଥିଲା। ରିପୋର୍ଟ ଅନୁଯାୟୀ, ଭାରତରେ ସମୁଦାୟ ୬୭.୮ କୋଟି କ୍ରୀଡ଼ାପ୍ରେମୀ ଅଛନ୍ତି ଏବଂ ଏହି ସର୍ଭେ ଆଧାରରେ ସବୁଠାରୁ ଲୋକପ୍ରିୟ ଆଇପିଏଲ ଦଳ ପ୍ରକାଶ ପାଇଛି।
ରିପୋର୍ଟ ଅନୁଯାୟୀ, ସବୁଠାରୁ ଲୋକପ୍ରିୟ ଦଳ ହେଉଛି ଚେନ୍ନାଇ ସୁପର କିଙ୍ଗ୍ସ (ସିଏସ୍କେ)। ଏହି ଦଳକୁ ୧୮% କ୍ରୀଡା ଦର୍ଶକ ସେମାନଙ୍କର ପ୍ରିୟ ଦଳ ଭାବରେ ବିବେଚନା କରିଛନ୍ତି। ସେହିପରି ରୋହିତ ଶର୍ମାଙ୍କ ମୁମ୍ବାଇ ଇଣ୍ଡିଆନ୍ସ (ଏମ୍ଆଇ) ୧୬% ସହ ଦ୍ୱିତୀୟ ସ୍ଥାନରେ ରହିଛି। ବିରାଟ କୋହଲିଙ୍କ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି)କୁ ୧୩% ସହ ତୃତୀୟ ସ୍ଥାନରେ ଅଛି।
