ଇଣ୍ଡିଆନ୍ ପ୍ରିମିୟର ଲିଗ୍ର ୧୩ତମ ସଂସ୍କରଣରେ ବାଜି ମାରିଛି ମୁମ୍ବାଇ ଇଣ୍ଡିଆନ୍ସ। ଉଭୟ ବୋଲିଂ ଓ ବ୍ୟାଟିଂରେ ଚମତ୍କାରିତା ଦେଖାଇ ଏହି ଦଳ ମଙ୍ଗଳବାର ଅନୁଷ୍ଠିତ ଫାଇନାଲରେ ଦିଲ୍ଲୀ କ୍ୟାପିଟାଲ୍ସକୁ ୫ ଓ୍ବିକେଟରେ ପରାସ୍ତ କରିଛି। ମୁମ୍ବାଇ ଇଣ୍ଡିଆନ୍ସ ୨୦୧୩, ୨୦୧୫, ୨୦୧୭, ୨୦୧୯ରେ ଚାମ୍ପିୟନ୍ ଏବଂ ୨୦୧୦ରେ ରନର୍ସଅପ୍ ହୋଇଥିଲା। ମୁମ୍ବାଇ ଇଣ୍ଡିଆନ୍ସ ବିଜୟର ଅବଦାନ ସମସ୍ତ ଖେଳାଳିକୁ ଯାଉଛି। କିନ୍ତୁ ଅଧିନାୟକ ରୋହିତ ଶର୍ମାଙ୍କ କ୍ରମାଗତ ଭାବରେ ଭଲପ୍ରଦର୍ଶନ ଏବଂ ଉନ୍ନତ ଦଳ ପରିଚାଳନା ଯୋଗୁ ଏହି ସଫଳତା ମିଳିପାରିଛି। ଖାଲି ସେତିକି ନୁହେଁ, ସିରିଜ୍ ଜିତିବା ପରେ ମଧ୍ୟ ରୋହିତ ନିଜର ମହାନତା ଦେଖାଇଥିଲେ। ନିଜେ ଏକ କୋଣରେ ଛିଡାହୋଇ ୟଙ୍ଗ୍ ପ୍ଲେୟରମାନଙ୍କୁ ଆଗକୁ ଯିବାକୁ ସୁଯୋଗ ଦେଇଥିଲେ। ପ୍ରାୟତଃ ଦେଖାଯାଏ, କୌଣସି ଟିମ୍ ଜିତିବା ପରେ ଅଧିନାୟକ ସବୁବେଳେ ଟିମ୍ ମଝିରେ ଟ୍ରଫି ସହ ଛିଡା ହୋଇଥାନ୍ତି। କିନ୍ତୁ ରୋହିତ ଏପରି କରି ନ ଥିଲେ। ଅଧିନାୟକଙ୍କର ଏପରି ନିଷ୍ପତ୍ତି ସମସ୍ତଙ୍କର ହୃଦୟ ଜିତିପାରିଛି। ରୋହିତ ଏହି ସଫଳତାର ଶ୍ରେୟ ସମସ୍ତଙ୍କୁ ଦେଇଛନ୍ତି।
