ଆଇପିଏଲ୍ ୨୦୨୦ରେ ରବିବାର ରାଜସ୍ଥାନ ରୟାଲ୍ସ, କିଙ୍ଗସ୍ ୧୧ ପଞ୍ଜାବକୁ ୪ ଓ୍ବିକେଟରେ ହରାଇଥିଲା। ପଞ୍ଜାବର ଓପନିଂ ବ୍ୟାଷ୍ଟମ୍ୟାନ ମୟଙ୍କ ଅଗ୍ରଓ୍ବାଲ ୪୫ ବଲରେ ୧୦୦ ରନ୍ କରିଥିଲେ। ସେ ୫୦ ବଲରେ ୧୦୬ ରନ୍ କରିବାରେ ସଫଳ ହୋଇଥିଲେ। ମୟଙ୍କ ୧୦ ଚୌକା ଏବଂ ୭ ଛକା ମାରିଥିଲେ। ଏହିପରି ଭାବେ ସେ ଆଇପିଏଲ୍ରେ ଦ୍ରୁତତମ ଶତକ ହାସଲ କରିଥିବା ଦ୍ୱିତୀୟ ଭାରତୀୟ ବ୍ୟାଟ୍ସମ୍ୟାନ ହୋଇପାରିଛନ୍ତି।
ଖେଳକୁ ନେଇ ପ୍ରସିଦ୍ଧ ଏହି ଖେଳାଳିଙ୍କ ପ୍ରେମକାହାଣୀ ମଧ୍ୟ ବହୁତ ମଜାଦାର। ମୟଙ୍କ ତାଙ୍କ ପ୍ରେମିିକା ଆଶିତା ସୁଦଙ୍କୁ ବଲିଉଡ୍ ଷ୍ଟାଇଲରେ ପ୍ରେମ ନିବେଦନ କରିଥିଲେ। ଏହି ପ୍ରେମ ବନ୍ଧୁତ୍ୱରୁ ପ୍ରଥମେ ଆରମ୍ଭ ହୋଇଥିଲା। ୨୦୧୮ ଜାନୁୟାରୀରେ ମୟଙ୍କ ଲଣ୍ଡନର ଥମାସ ନଦୀ କୂଳରେ ପ୍ରେମିକା ଆସିତାଙ୍କୁ ପ୍ରେମ ନିବେଦନ କରିଥିଲେ। ତାଙ୍କର ଏହି ରୋମାଣ୍ଟିକ୍ ଶୈଳୀ ଦେଖି ଆଶିତା ସଙ୍ଗେ ସଙ୍ଗେ ରାଜି ହୋଇଯାଇଥିଲେ। ଥମାସ ନଦୀ କୂଳରେ ଅବସ୍ଥିତ ପ୍ରାୟ ୧୩୫ ମିଟର ଉଚ୍ଚରେ ଥିବା ଏୟାର ସୁଇଙ୍ଗ (ଲଣ୍ଡନ ଆଇ)ରେ ସେ ପ୍ରେମ ନିବେଦନ କରିଥିଲେ। ପରେ ଏହି ବର୍ଷ ଜୁନ୍ରେ ସେମାନେ ବିବାହ କରିଥିଲେ।
