ମୁମ୍ବାଇ,୨୬।୪ : ଅଷ୍ଟ୍ରେଲିଆର ୩ ଖେଳାଳି ଭାରତରେ ବଢ଼ୁଥିବା ସଂକ୍ରମଣ ହାର ଭୟରେ ଆଇପିଏଲରୁ ଓହରି ଯାଇଛନ୍ତି। କିନ୍ତୁ ବର୍ତ୍ତମାନ ଘରକୁ ଫେରିବାଠାରୁ ବାୟୋ ବବଲରେ ଅଧିକ ସୁରକ୍ଷିତ ଅନୁଭବ କରୁଥିବା କହିଛନ୍ତି ଅଷ୍ଟ୍ରଲିଆନ ପେସର ନାଥନ କୁଲ୍ଟର-ନାଇଲ।
କୋଭିଡ୍-୧୯ ସଂକ୍ରମଣ ଯୋଗୁ ନିଜ ଦେଶରେ ଲକଡ୍ ଆଉଟ୍ ହେବା ଭୟରେ ରାଜସ୍ଥାନର ଆଣ୍ଡ୍ର୍ୟୁ ଟାଇ ଆଇପିଏଲରେ ଓହରି ଯାଇଛନ୍ତି। ତାଙ୍କ ପରେ ସମାନ କାରଣ ଦର୍ଶାଇ ସ୍ବଦେଶ ଫେରିବାକୁ ନିଷ୍ପତ୍ତି ନେଇଛନ୍ତି ରୟାଲ ଚ୍ୟାଲେଞ୍ଜର୍ସ ବାଙ୍ଗାଲୋର ଦୁଇ ଖେଳାଳି କେନ ରିଚାର୍ଡସନ ଓ ଆଡମ ଝାମ୍ପା।
ପ୍ରତ୍ୟେକଙ୍କ ବ୍ୟକ୍ତିଗତ ମତାମତ ଅଛି ଓ ସେମାନଙ୍କ ପରିସ୍ଥିତି ମଧ୍ୟ ଭିନ୍ନ ହୋଇପାରେ। ଅଷ୍ଟ୍ରେଲିଆର ୩ ଖେଳାଳି ଘରକୁ ଫେରୁଥିବା ଖବର ମୋତେ ଚକିତ କରିଛି। ମାତ୍ର ଘରେ ରହିବା ବଦଳରେ ବାୟୋ ବବଲ ମୋ ମତରେ ବେଶ୍ ସୁରକ୍ଷିତ। ଖେଳାଳିଙ୍କ ସେମେତ ହୋଟେଲ ଷ୍ଟାଫ, ଲଣ୍ଡ୍ରି, କ୍ଲିନର, ପ୍ରତ୍ୟେକଙ୍କ ଦିନକୁ ୩ ଥର କୋଭିଡ୍ ଟେଷ୍ଟ କରାଯାଉଛି। ଏହା ଠାରୁ ଅଧିକ ସୁରକ୍ଷା ଅନ୍ୟ କୌଣସି ସ୍ଥାନରେ ମିଳିବ ନାହିଁ। ଆମକୁ ଘରକୁ ଫେରିବା ଲାଗି ଦୁବାଇରେ ଦୁଇ ସପ୍ତାହ କ୍ୱାରାଣ୍ଟାଇନରେ ରହିବାକୁ ପଡ଼ିବ। କିନ୍ତୁ ମୁଁ ନିଶ୍ଚିତ ଯେ, ଏହାର ସମାଧାନ ହୋଇଯିବ ବୋଲି ୫ କୋଟି ଟଙ୍କାରେ ମୁମ୍ବାଇ ଇଣ୍ଡିଆନ୍ସ କିଣିଥିବା ବୋଲର କହିଛନ୍ତି।