ଜିଲାପି ଖାଇ ନ ପାରିବାର କଷ୍ଟ ତାମିଲନାଡୁର ଆଇପିଏସ୍ ଅଧିକାରୀ ଟୁଇଟରରେ ଶେୟାର କରିଛନ୍ତି। ଯାହା ବର୍ତ୍ତମାନ ଭାଇରାଲ ହେଉଛି। ଏହି ଆଇପିଏସ୍ ଅଧିକାରୀ ଟୁଇଟ୍ କରି କହିଥିଲେ ପିଲାଦିନେ ତାଙ୍କର ଜିଲାପି ବହୁତ ପସନ୍ଦ ଥିଲା। ଏହି ସମୟରେ ସେ ଭାବୁଥିଲେ ମୁଁ ଯେତେବେଳେ ବଡ଼ ହେବି, ଟଙ୍କା ରୋଜଗାର କରି ସେତେବେଳେ ଖୁବ୍ ଜିଲାପି କିଣି ଖାଇବି। ମାତ୍ର ଏବେ ସ୍ତ୍ରୀ ଜିଲାପି ଖାଇବାକୁ ଦେଉନାହାନ୍ତି।
ଆଇପିଏସ୍ ଅଧିକାରୀ ସନ୍ଦୀପ ମିତ୍ତଲ ନିଜ ଟୁଇଟ୍ରେ ଲେଖିଛନ୍ତି, ପିଲାଦିନେ ୨୫ ପଇସା ବହୁତ ବଡ଼ ଥିଲା। ଏଥିରେ ଜିଲାପି ବି ମିଳୁଥିଲା। ସେତେବେଳେ ସେ ଭାବୁଥିଲେ ମୁଁ ବଡ଼ ହେଲେ ବହୁତ ପଇସା ରୋଜଗାର କରିବି। ଏହି ପଇସାରେ ଖୁବ୍ ଜିଲାପି କିଣି ଖାଇବି। ଏବେ ପଇସା କମାଉଛି ସତ ହେଲେ ସ୍ତ୍ରୀ ଜିଲାପି ଦେଉନାହାନ୍ତି।
ଆଇପିଏସ୍ଙ୍କର ଏହି ଟୁଇଟ୍ ଭାଇରାଲ ହେବା ପରେ ତାଙ୍କ ସ୍ତ୍ରୀ ମଧ୍ୟ ଉତ୍ତର ରଖିଛନ୍ତି। ସେ ଲେଖିଛନ୍ତି, ଆଜି ତୁମେ ଘରକୁ ଆସ…
ତାଙ୍କ ସ୍ତ୍ରୀଙ୍କ ଉତ୍ତରରେ ବହୁ ମଜାଳିଆ କମେଣ୍ଟ ସବୁ ଦେଖିବାକୁ ମିଳିଛି। ଆଇଏଫ୍ଏସ୍ ଅଧିକାରୀ ମୋହନ ଚନ୍ଦ୍ର କମେଣ୍ଟ କରିଛନ୍ତି, ସକାଳୁ ୪ରୁ୫ କିଲୋମିଟର ଚାଲି ଆସନ୍ତୁ। ଭାଉଜ ଜିଲାବି ସହ ଆପଣଙ୍କୁ ସ୍ବାଗତ କରିବେ।
ସେହିପରି ଆଉ ଜଣେ ୟୁଜର ଲେଖିଛନ୍ତି, ସାର୍ ଆଜି ଘରକୁ ଆସନ୍ତୁ, ଜିଲାବି ନିଶ୍ଚିତ ମିଳିବ। ଅନ୍ୟ ଜଣେ ୟୁଜର ଲେଖିଛନ୍ତି, ସାର୍ ଜିଲାପି ଖାଇସାରି ଫଟୋ ପଠାଇବେ। ଆହୁରି ମଧ୍ୟ ଅନ୍ୟ ୟୁଜରମାନେ ଆଇପିଏସ୍ଙ୍କ ଟୁଇଟ୍ରେ ମଜାଳିଆ କମେଣ୍ଟ ସବୁ ଦେଇଛନ୍ତି।