ମୁମ୍ବାଇ : ବଲିଉଡ୍ ସୁପରଷ୍ଟାର ଅମୀର ଖାନ୍ଙ୍କ ଝିଅ ଇରା ଖାନ୍ ଜଣେ ଯୁବକଙ୍କ ପ୍ରେମରେ ପଡ଼ିଥିବା ବଲିଉଡ୍ରେ ଖୁବ୍ ଚର୍ଚ୍ଚା ହେଉଥିଲା। ତେବେ ଏହି ଚର୍ଚ୍ଚାକୁ ସତ ବୋଲି ପ୍ରମାଣିତ କରିଛନ୍ତି ଇରା। ଗୁରୁବାର ନୂପୁର ଶିଖରେଙ୍କ ସହ ନିଜ ସମ୍ପର୍କ ଥିବା ଇନ୍ଷ୍ଟାଗ୍ରାମରେ କନ୍ଫର୍ମ କରିଛନ୍ତି। ଇରା ନୂପୁରଙ୍କ ସହିତ ଅଧିକ ସମୟ ବିତାଉଥିଲେ। ଇରାଙ୍କୁ ତାଙ୍କ ସମ୍ପର୍କୀୟ ଜିନ୍ ମ୍ୟାରୀଙ୍କ ବିବାହ ଉତ୍ସବରେ ଦେଖିବାକୁ ମିଳିଥିଲା। ତାଙ୍କ ସହିତ ନୂପୁର ମଧ୍ୟ ଥିଲେ। ଦୁଇଜଣଙ୍କ ଫଟୋ ସାମ୍ନାକୁ ଆସିବା ପରେ ସୋସିଆଲ ମିଡିଆରେ ଏହାକୁ ନେଇ ଖୁବ୍ ଚର୍ଚ୍ଚା ହୋଇଥିଲା। ଦୁହେଁ ଦୁହିଁଙ୍କୁ ଡେଟ୍ କରୁଛନ୍ତି। ଏବେ ଇରା ଏହି ସମ୍ପର୍କକୁ କନ୍ଫର୍ମ କରିଛନ୍ତି। ଇରା ଭାଲେଣ୍ଟାଇନ ଡେ’ ପୂର୍ବରୁ ପ୍ରମିଜ ଡେ’ରେ ନିଜ ଇନ୍ଷ୍ଟାଗ୍ରାମରେ ଏକ ଫଟୋ ଶେୟାର କରି କ୍ୟାପଶନ ଲେଖିଛନ୍ତି, ନୂପୁରଙ୍କୁ ସେ ଖୁବ୍ ଭଲପାଆନ୍ତି। ଏହି ଫଟୋରେ ସେ ନୂପୁରଙ୍କୁ ଡ୍ରିମ୍ ବୟ ବି କହିଛନ୍ତି।