ତେହେରାନ,୨୯ ।୧: ଇରାନର ସେଣ୍ଟ୍ରାଲ ସହର ଇସଫାହାନରେ ଡ୍ରୋନ୍ ଆକ୍ରମଣ କରାଯାଇଛି । ଏହି ସମୟରେ ଏକ ସାମରିକ କାରଖାନାରେ ଖୁବ ଜୋରରେ ଶବ୍ଦ ଶୁଣାଯାଇଥିଲା । ତେବେ ଏହା ଏକ ବିଫଳ ଡ୍ରୋନ ଆକ୍ରମଣ ବୋଲି ଇରାନର ପ୍ରତିରକ୍ଷା ମନ୍ତ୍ରଣାଳୟ କହିଛି । ସୁରକ୍ଷା ଅଧିକାରୀ କହିଛନ୍ତି, ଏହି ଆକ୍ରମଣରେ କୌଣସି କ୍ଷୟକ୍ଷତି ହୋଇନାହିଁ । ରବିବାର ସକାଳେ ଇରାନ ଷ୍ଟ୍ରେଟ ବ୍ରଡକାଷ୍ଟର ଆଇଆରଆଇବି ଏହାର ୱେସାଇଟରେ ହୋଇଥିବା ଆକ୍ରମଣ ସମ୍ପର୍କରେ ଏହି ସୂଚନା ଦେଇଛି ।
ପ୍ରତିରକ୍ଷା ମନ୍ତ୍ରଣାଳୟ କହିଛି ଶନିବାର ବିଳମ୍ବିତ ରାତିରେ ଡ୍ରୋନ୍ ଆକ୍ରମଣ ମାଧ୍ୟମରେ ସେଣ୍ଟ୍ରାଲ ସିଟି ଇସଫାନରେ ଦେଶର ପ୍ରତିରକ୍ଷା ମନ୍ତ୍ରଣାଳୟ ସହ ଜଡିତ ଏକ ମିଲିଟ୍ରି ସାଇଟକୁ ଟାର୍ଗେଟ କରାଯାଇଥିଲା । ହେଲେ ଏଥିରେ କିଛି କ୍ଷୟକ୍ଷତି ହୋଇନାହିଁ ।
