ନୂଆଦିଲ୍ଲୀ,୧ା୧୦: ମଧ୍ୟପ୍ରାଚ୍ୟର ବଢୁଥିବା ଉତ୍ତେଜନା ମଧ୍ୟରେ ଇରାନ ଇସ୍ରାଏଲ ଉପରେ ୪୦୦ରୁ ଅଧିକ କ୍ଷେପଣାସ୍ତ୍ର ମାଡ଼ କରିଛି। କ୍ଷେପଣାସ୍ତ୍ର ଆକ୍ରମଣ ପରେ ସାରା ଦେଶରେ ସାଇରନ୍ ବାଜୁଥିବା ବେଳେ ବ୍ୟାପକ ଜରୁରୀକାଳୀନ ପରିସ୍ଥିତି ସୃଷ୍ଟି କରିଥିଲା ବୋଲି ଇସ୍ରାଏଲ୍ ସୈନ୍ୟବାହିନୀ କହିଛି। ତେବେ ଇରାନର ଏହି ରକେଟ ଆକ୍ରମଣକୁ ପ୍ରତିହତ କରିବା ପାଇଁ ଇସ୍ରାଏଲର ପ୍ରତିରକ୍ଷା ପ୍ରଣାଳୀ ସକ୍ରିୟ ହୋଇଯାଇଥିଲା।
ଇରାନ କହିଛି ଯେ ସୟଦ ହାସନ ନସରାଲ୍ଲା ଏବଂ ଶହୀଦ ନିଲଫୋରୋଶାନଙ୍କ ଶହୀଦଙ୍କ ଜବାବରେ ଏହା ଅଧିକୃତ ଅଞ୍ଚଳଗୁଡିକୁ ଟାର୍ଗେଟ କରିଛି। ଇରାନ ଏହି କ୍ଷେପଣାସ୍ତ୍ର ଉତକ୍ଷେପଣ କରିବା ପୂର୍ବରୁ ଇସ୍ରାଏଲର ସହର ‘ତେଲ ଆଭିବ’ରେ କିଛି ଆତଙ୍କବାଦୀ ଗୁଳି ଚଳାଇଥିଲେ। ଗୁଳି ବିନିମୟରେ ଅତି କମରେ ୧୦ ଜଣ ଇସ୍ରାଏଲୀୟ ଆହତ ହୋଇଥିବା ଜଣାଯାଇଛି, ଯେଉଁଥିରେ ୪ ଜଣ ଗୁରୁତର ଆହତ ହୋଇଛନ୍ତି। ସ୍ଥାନୀୟ ଗଣମାଧ୍ୟମ ରିପୋର୍ଟ ଅନୁଯାୟୀ ଦୁଇ ଆତତାୟୀ ଏମ-୧୬ ଏବଂ ଗୋଟିଏ ଏକେ -୪୭ ସହିତ ସାଧାରଣ ଲୋକଙ୍କୁ ଆକ୍ରମଣ କରିଥିଲେ।
ସବୁଠାରୁ ଗୁରୁତ୍ୱପୂର୍ଣ୍ଣ ବିଷୟ ହେଉଛି ମଙ୍ଗଳବାର ସନ୍ଧ୍ୟାରେ ଆମେରିକା ଏହି ବିଷୟରେ ଚେତାବନୀ ଦେଇଥିବା ବେଳେ ଇରାନରୁ ଇସ୍ରାଏଲ ଆଡକୁ କ୍ଷେପଣାସ୍ତ୍ର ନିକ୍ଷେପ କରାଯାଇଥିଲା। ଆମେରିକାର ଅଧିକାରୀମାନେ ନ୍ୟୁଜ୍ ଏଜେନ୍ସି ‘ଏପି’କୁ କହିଛନ୍ତି ଯେ ଇରାନ ଇସ୍ରାଏଲ ଉପରେ ବାଲିଷ୍ଟିକ୍ କ୍ଷେପଣାସ୍ତ୍ର ଆକ୍ରମଣ କରୁଛି। ଏଭଳି ପରିସ୍ଥିତିରେ ସେ ଭୟଙ୍କର ପରିଣାମର ସମ୍ମୁଖୀନ ହେବାକୁ ତେହେରାନକୁ ଚେତାବନୀ ଦେଇଛନ୍ତି।
Iranian ballistic missiles now landing on Tel Aviv. pic.twitter.com/XDKQZprCRn
— Clash Report (@clashreport) October 1, 2024
Footage claiming to show Iranian Ballistic Missile Launches from near the City of Tabriz in Northern Iran. pic.twitter.com/CIcXid5VqM
— OSINTdefender (@sentdefender) October 1, 2024
Israel Defense Forces tweets, “Sirens sound across Israel. All Israeli civilians are in bomb shelters as rockets from Iran are fired at Israel”
— ANI (@ANI) October 1, 2024
