![](https://www.dharitri.com/wp-content/uploads/2024/07/ii-2.jpg)
ତେହରାନ,୨୧ା୭: ଇରାକ ବର୍ତ୍ତମାନ ତୁର୍କୀରୁ ଦେଶକୁ ବିଦ୍ୟୁତ୍ ଆମଦାନୀ କରିବ। ଏକ ବିବୃତ୍ତିରେ ଇରାକ ରବିବାର କହିଛି, ଏକ ନୂତନ ବିଦ୍ୟୁତ୍ ଲାଇନ ତୁର୍କୀରୁ ଏହାର ଉତ୍ତର ରାଜ୍ୟକୁ ଆଣିବ। ଦୀର୍ଘଦିନର ବିଦ୍ୟୁତ୍ ସରବରାହକୁ ହ୍ରାସ କରିବା ପାଇଁ ଶକ୍ତି ଅଧିକାରୀମାନେ ଶକ୍ତି ଉତ୍ସକୁ ବିବିଧ କରିବାକୁ ଲକ୍ଷ୍ୟ ରଖିଛନ୍ତି।
୧୧୧ କିଲୋମିଟର ଲମ୍ବା ଲାଇନ ମୋସୁଲର ପଶ୍ଚିମ କିସିକ ପାଓ୍ବାର ପ୍ଲାଣ୍ଟ ସହିତ ସଂଯୋଗ ହେବ ଏବଂ ତୁର୍କୀରୁ ଇରାକର ଉତ୍ତର ରାଜ୍ୟର ନୀନିବୀ, ସାଲାହ ଅଲ-ଦିନ ଏବଂ କିରୁକ୍କୁ ୩୦୦ ମେଗାଓ୍ବାଟ୍ ବିଦ୍ୟୁତ୍ ଯୋଗାଇବ ବୋଲି ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ସୂତ୍ରରୁ ପ୍ରକାଶ। ପ୍ରଧାନମନ୍ତ୍ରୀ ମହମ୍ମଦ ଶିଆ ଅଲ-ସୁଦାନୀ କହିଛନ୍ତି, ଇରାକକୁ ପଡ଼ୋଶୀ ଦେଶ ସହ ଯୋଡ଼ିବା ପାଇଁ ଏହି ନୂତନ ରେଳ ଲାଇନ୍ ଏକ ‘ରଣନୀତିକ’ ପଦକ୍ଷେପ। ବିଦ୍ୟୁତ୍ ମନ୍ତ୍ରଣାଳୟର ମୁଖପାତ୍ର ଅହମ୍ମଦ ମୁସା କହିଛନ୍ତି, ଆଜି ଲାଇନର କାର୍ଯ୍ୟ ଆରମ୍ଭ ହୋଇଛି।