ନୂଆଦିଲ୍ଲୀ,୧୮।୧୦: ଭାରତୀୟ ରେଳ କ୍ୟାଟରିଂ ଆଣ୍ଡ ଟୁରିଜିମ କର୍ପୋରେସନ (ଆଇଆରସିଟିସି) ସ୍କାମ ମାମଲାରେ ବିହାରର ଉପମୁଖ୍ୟମନ୍ତ୍ରୀ ତଥା ଆରଜେଡି ନେତା ତେଜସ୍ବୀ ଯାଦବ ମଙ୍ଗଳବାର ଦିଲ୍ଲୀ ସ୍ଥିତ ରାଉସ ଏଭେନ୍ୟୁ କୋର୍ଟରେ ପହଞ୍ଚିଛନ୍ତି।
ଆଇଆରସିଟିସି ଦୁର୍ନୀତି ମାମଲାରେ ବିହାର ଉପମୁଖ୍ୟମନ୍ତ୍ରୀ ତେଜସ୍ବୀ ଯାଦବଙ୍କ ଜାମିନକୁ ନାମଞ୍ଜୁର କରିବାକୁ ସିବିଆଇ କୋର୍ଟଙ୍କୁ ଅନୁରୋଧ କରିଥିଲା। ଏହା ଉପରେ କୋର୍ଟ ତେଜସୱୀ ଯାଦବଙ୍କୁ ଅକ୍ଟୋବର ୧୮ରେ ବ୍ୟକ୍ତିଗତ ଭାବେ ହାଜର ହେବାକୁ ଏବଂ ଜବାବ ଦେବାକୁ କହିଥିଲେ। ଆଜି ତେଜସ୍ବୀ ଏହି ମାମଲାରେ କୋର୍ଟରେ ହାଜର ହୋଇ ସିବିଆଇର ଆବେଦନ ଉପରେ ତେଜସ୍ବୀ ନିଜର ଉତ୍ତର ଦାଖଲ କରିଛନ୍ତି। ତେବେ ତେଜସ୍ବୀ ଯାଦବଙ୍କ ଉତ୍ତରକୁ ସିବିଆଇ ବିରୋଧ କରିଛି। ସିବିଆଇ କହିଛି ଯେ, ତଦନ୍ତକୁ ପ୍ରଭାବିତ କରିବା ପାଇଁ ଅଫିସରଙ୍କୁୁ ଧମକ ଦିଆଯାଉଛି। ଏହି ମାମଲା ସହ ଜଡିତ ତଦନ୍ତକାରୀ ଅଧିକାରୀଙ୍କୁ ଦୁଇଥର ଆକ୍ରମଣ ମଧ୍ୟ କରାଯାଇଛି। ଏହି କାରଣରୁ ତାଙ୍କ ଜାମିନ ବାତିଲ କରିବାକୁ ଆମେ କୋର୍ଟକୁ କହିଛନ୍ତି। ମଙ୍ଗଳବାର ଦିନ ଉଭୟ ପକ୍ଷର ଯୁକ୍ତି ଶୁଣିବା ପରେ କୋର୍ଟ ତେଜସ୍ବୀଙ୍କୁ ତାଗିଦ କରିଛନ୍ତି। ସର୍ବସାଧାରଣରେ କହିବା ସମୟରେ ଉପଯୁକ୍ତ ଶବ୍ଦ ବ୍ୟବହାର କରିବାକୁ ତେଜସ୍ବୀଙ୍କୁ କୋର୍ଟ ପରାମର୍ଶ ଦେଇଛନ୍ତି।
