ନୂଆଦିଲ୍ଲୀ,୩୧।୮: ଭାରତୀୟ ଅଧିନାୟକ ବିରାଟ କୋହଲି ଦୀର୍ଘ ଦିନ ଧରି ନିଜ ଫର୍ମକୁ ନେଇ ସଂଘର୍ଷ କରୁଛନ୍ତି। ଏପରିସ୍ଥଳେ ଇଂଲଣ୍ଡ ବିପକ୍ଷରେ ଖେଳାଯାଉଥିବା ପାଞ୍ଚ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜରେ ସେ ଆଖିଦୃଶିଆ ପ୍ରଦର୍ଶନ କରିବାରେ ବିଫଳ ହୋଇଛନ୍ତି। ଏଯାବତ ଶେଷ ହୋଇଥିବା ୩ ଟେଷ୍ଟ ମ୍ୟାଚ୍ରେ ସେ ହାରାହାରି ୨୪.୮୦ ହାରରେ ୧୨୪ ରନ୍ କରିଛନ୍ତି। ସେହିଭଳି ଖେଳିଥିବା ୫ ଇନିଂସରେ ସମାନ ଢ଼ଙ୍ଗରେ ସେ ଆଉଟ୍ ହୋଇଛନ୍ତି। ଏହାକୁ ନେଇ ଇଂଲଣ୍ଡର ପୂର୍ବ ଅଧିନାୟକ ନାସିର ହୁସେନଙ୍କଠାରୁ ଆରମ୍ଭ କରି ଅନେକ ଭେଟେରାନ ତଙ୍କେ ବ୍ୟାଟିଂ କୌଶଳକୁ ନେଇ ପ୍ରଶ୍ନ କରୁଛନ୍ତି। ତେବେ ଭାରତର ପୂର୍ବତନ ଅଲରାଉଣ୍ଡର ଇରଫାନ ପଠାନ ଭିନ୍ନ ମତ ରଖିଛନ୍ତି।
ପଠାନ କହିଛନ୍ତି, ଇଂଲଣ୍ଡରେ କୋହଲିଙ୍କ ବିଫଳତାର କାରଣ ବ୍ୟାଟିଂ କୌଶଳ ନୁହେଁ ବରଂ ତାଙ୍କର ଆକ୍ରମଣାତ୍ମକ ଆଚରଣ। ମୋତେ ଲାଗୁଛି ପ୍ରସ୍ତୁତି ପ୍ରଶ୍ନ ନୁହେଁ। ବିରାଟ ସମ୍ମୁଖ ଟିମ୍ ଉପରେ ପ୍ରାଧାନ୍ୟ ବିସ୍ତାର କରିବାକୁ ଚାହୁଁଛନ୍ତି। ସେଥିପାଇଁ ସେ ଅଫ୍ ଷ୍ଟମ୍ପ ବାହାରେ ବଲ୍ ଖେଳିବାକୁ ବାଧ୍ୟ ହେବାକୁ ପଡ଼ୁଛି। ଏହା ଛୋଟ ଜିନିଷ। କୋହଲି ନିଜର ଆକ୍ରମଣାତ୍ମକ ଚିନ୍ତାଧାରା ପାଇଁ ବିରକ୍ତ ହୋଇଯାଉଛନ୍ତି।
କୋହଲିଙ୍କ ଉଇକେଟ ନେବା ଲାଗି ବୋଲରମାନେ ଲଗାତାର ଭାବେ ଅଫ୍ ଷ୍ଟମ୍ପରେ ବୋଲିଂ କରୁଛନ୍ତି। ସେମାନେ କୋହଲିଙ୍କ ସଂଯମତାର ପରୀକ୍ଷା କରୁଛନ୍ତି। ଏପରିସ୍ଥିତିରେ କୋହଲି ଯେତେବେଳେ ବଲ୍ ଟାମ୍ପରିଂ କରିବାକୁ ଚେଷ୍ଟା କରିଥିଲେ ସେ କ୍ୟାଚ୍ ଆଉଟ୍ ହୋଇଥିଲେ। ଏବେ କୋହଲିଙ୍କୁ ଧୌର୍ଯ୍ୟ ଦେଖାଇବାକୁ ହେବ ବୋଲି ସେ କହିଛନ୍ତି।