ଭବାନୀପାଟଣା,୧୭ା୬(ଉତ୍ତମ କୁମାର ଦାଶ) କଳାହାଣ୍ଡି ଜିଲା ଜୁନାଗଡ ବ୍ଲକରେ ମିଶନ ଶକ୍ତି ପକ୍ଷରୁ ବିଭିନ୍ନ ପଦବୀରେ ନିଯୁକ୍ତି ପାଇଥିବା ପ୍ରାର୍ଥତ୍ନୀଙ୍କ ଚୟନରେ ଅନିୟମିତତା ହୋଇଥିବା ଅଭିଯୋଗ ହୋଇଛି। ଏହାକୁ ନେଇ ପ୍ରାର୍ଥତ୍ନୀମାନେ ପୂର୍ବରୁ ଜିଲାପାଳଙ୍କୁ ମଧ୍ୟ ଲିଖିତ ଅଭିଯୋଗ କରିଛନ୍ତି। ଏପରିକି ଏହି ପଦବୀଗୁଡିକ ନିଯୁକ୍ତି ପାଇଁ ଟଙ୍କା ମଧ୍ୟ ମଗାଯାଉଥିବା ଓଡିଓ ଗତ କିଛି ଦିନ ତଳେ ଭାଇରାଲ ହୋଇଥିଲା। ଶୁକ୍ରବାର ପୁଣି ଏକ ଅଭିଯୋଗ ସାମାନାକୁ ଆସିଛି। ଜୁନାଗଡ ବ୍ଲକ କଛିମଡୋଲା ଗ୍ରାମର ହୀରାଦେଈ ନାଏକ ମିଶନ ଶକ୍ତି ପକ୍ଷରୁ ବାହାରି ଥିବା ସିଆରପି-ସିଏମ ପଦବୀ ପାଇଁ ଆବେଦନ କରିଥିଲେ। ଏଥିରେ ଗ୍ରାମର ଆଉ ଜଣେ ପ୍ରାର୍ଥତ୍ନୀ ମଧ୍ୟ ସେହି ପଦବୀ ପାଇଁ ଆବେଦନ କରିଥିଲେ। ହେଲେ ସମ୍ପୃକ୍ତ ପ୍ରାର୍ଥତ୍ନୀଙ୍କଠାରୁ ହୀରାଦେଈଙ୍କ ଅଧିକ ମାର୍କ ଥିବା ଥିବାବେଳେ ହୀରାଦେଈଙ୍କୁ ନିଯୁକ୍ତି ଦିଆ ନ ଯାଇ ବିପକ୍ଷରେ ଥିବା ପ୍ରାର୍ଥତ୍ନୀଙ୍କୁ ଉକ୍ତ ପଦବୀ ପାଇଁ ନିଯୁକ୍ତି ଦିଆଯାଇଛି। ଏହାକୁ ନେଇ ସେ ଶୁକ୍ରବାର ଜୁନାଗଡ ବିଡିଓଙ୍କୁ ଫେରାଦ ହେବା ସହ ଲିଖିତ ଅଭିଯୋଗ ଦେଇଛନ୍ତି। ସିଆରପି ପଦବୀରେ ହୀରାଦେଈଙ୍କୁ ଚୟନ କରାଯାଇଥିବା କହି ମିଶନ ଶକ୍ତିର ଜଣେ ମହିଳା ତାଙ୍କୁ ୨୦ ହଜାର ଟଙ୍କା ଲାଞ୍ଚ ମାଗିଥିଲେ। ହେଲେ ସେ ଟଙ୍କା ଦେଇ ନ ପାରିଥିବାରୁ ତାଙ୍କୁ ନିଯୁକ୍ତି ଦିଆ ନ ଯାଇ ତାଙ୍କଠାରୁ କମ୍ ମାର୍କ ଥିବା ପ୍ରାର୍ଥତ୍ନୀଙ୍କୁ ଏହି ପଦବୀ ପାଇଁ ନିଯୁକ୍ତି ଦିଆଗଲା ବୋଲି ସେ ଅଭିଯୋଗ ଆଣିଛନ୍ତି। ସେହିପରି ଚଙ୍ଗୁଡିସର ପଞ୍ଚାୟତରେ ଏମବିକେ ପଦବୀ ପାଇଁ ୨ ପ୍ରାର୍ଥତ୍ନୀଙ୍କ ସମାନ ମାର୍କ ରହିଥିବାବେଳେ ଆଉ ଜଣେ ପ୍ରାର୍ଥତ୍ନୀଙ୍କୁ କିପରି ସେହି ପଦବୀ ପାଇଁ ନିଯୁକ୍ତି ଦିଆଗଲା ବୋଲି ବିପକ୍ଷ ପ୍ରାର୍ଥତ୍ନୀ ଉର୍ମିଳା ବିଶ୍ୱାଲ ଅଭିଯୋଗ ଆଣିଛନ୍ତି। ଏଥିପାଇଁ ସେ ମଧ୍ୟ ବିଡିଓଙ୍କ ଦ୍ୱାରସ୍ଥ ହୋଇଛନ୍ତି। ଏ ନେଇ ମିଶନ ଶକ୍ତିର ଜୁନାଗଡ ବ୍ଲକ ସଂଯୋଜକ ସେହଜାଦ ଖାନଙ୍କୁ ପଚାରିବାରୁ ହୀରାଦେଈଙ୍କୁ ସ୍ଥାନୀୟ ଏସ୍ଏଚଜି ଗ୍ରାମରେ ରହୁ ନ ଥିବା ବୋଲି ଲିଖିତ ଅଭିଯୋଗ ଦେବା ପରେ ଗାଇଡ୍ଲାଇନ ଅନୁଯାୟୀ ତାଙ୍କୁ ବାଦ ଦିଆଗଲା ବୋଲି ପ୍ରକାଶ କରିଥିଲେ। ଜିଲାପାଳ ତଥା ଭିଜିଲାନ୍ସ ବିଭାଗ ଏଥିପ୍ରତି ଦୃଷ୍ଟି ଦେଇ ପଦକ୍ଷେପ ନେବାକୁ ସାଧାରଣରେ ଦାବିହୋଇଛି।