ପାଟଣା,୧୫୩(ସ୍ବ.ପ୍ର.): କେନ୍ଦୁଝର ଜିଲା ପାଟଣା ବ୍ଲକ ବୁଢ଼ି କାପୁଡ଼ି ଗ୍ରାମରେ ରାଶନ ଚାଉଳ ବଣ୍ଟନରେ ଅନିୟମିତତା ହୋଇଥିବା ନେଇ ଅଭିଯୋଗ ହୋଇଛି। ଏ ସମ୍ପର୍କୀତ ଭିଡିଓ ସୋସିଆଲ ମିଡିଆରେ ଭାରରାଲ ହେବାରେ ଲାଗିଛି। ଠକାମୀର ଶିକାର ହୋଇଥିବା ହିତାଧିକାରୀମାନେ ଏହାର ତଦନ୍ତ ଦାବି କରିଛନ୍ତି।
ଯୋଗ୍ୟ, ଗତ ଶନିବାରଠାରୁ ବୁଢ଼ି କାପୁଡ଼ି ପଞ୍ଚାୟତ ସଲଗ୍ନ ଗୃହରେ ମା’ କୀଚକେଶ୍ୱରୀ ସ୍ବୟଂ ସହାୟିକା ଗୋଷ୍ଠୀ ପକ୍ଷରୁ ଫେବୃୟାରୀ ଓ ମାର୍ଚ୍ଚ ମାସର ରାଶନ ଚାଉଳ ବିତରଣ କରାଯାଇଥିଲା। ପରେ ଜଣାପଡିଥିଲା ଯେ, ବୁଢ଼ି କାପୁଡି ଗ୍ରାମ ମଝି ସାହିର ତରୁଲତା ମହାନ୍ତଙ୍କ ରାଶନ କାର୍ଡରେ ୫ ଜଣ ସଦସ୍ୟ ଥିବା ବେଳେ ତାଙ୍କୁ ୫୦ କିଗ୍ରା ଚାଉଳ ପରିବର୍ତ୍ତେ ୪୦କିଗ୍ରା, ଗୋଲାପ ମହାନ୍ତଙ୍କୁ ୫୦ କିଗ୍ରା ବଦଳରେ ୩୦ କିଗ୍ରା, ମୁରଲୀଧର ମହାନ୍ତଙ୍କୁ ୫୦ କିଗ୍ରା ପରିବର୍ତ୍ତେ ୩୦ କିଗ୍ରା ଓ ନେଉଳପଶିର ଧନେଶ୍ୱର ମହାନ୍ତଙ୍କୁ ୫୦ କିଗ୍ରା ପରିବର୍ତ୍ତେ ୩୦ କିଗ୍ରା ଚାଉଳ ଦିଆଯାଇଛି। ହିତାଧିକାରୀଙ୍କୁ ଚାଉଳ ବିତରଣ ପାଇଁ ନିଯୁକ୍ତ ବ୍ୟକ୍ତି ଜଣକ ଗାଳି ଗୁଲଜ କରୁଥିବା ଓ ଚାଉଳ ଓଜନ କରିବା ପାଇଁ ନିୟୋଜିତ ଜଣେ ବ୍ୟକ୍ତି ଧମକ ଦେଉଥିବା ଭାଇରାଲ ଭିଡିଓରେ ଦେଖିବାକୁ ମିଳିଛି। କେବଳ ୨ଟି ଗଁାର
