ପୁରୁଷୋତ୍ତମପୁର,୩୦।୧୧(ସିମାଞ୍ଚଳ ମିଶ୍ର) ଟାଟାପାୱାର ବିଦ୍ୟୁତ ବିତରଣ ଦାୟିତ୍ୱ ନେବାପରଠାରୁ ଗଞ୍ଜାମ ଜିଲା ପୁରୁଷୋତ୍ତମପୁର ଅଞ୍ଚଳରେ ବାରମ୍ବାର ବିଦ୍ୟୁତ ବିଭ୍ରାଟ ଲାଗିରହିଛ। ବିଦ୍ୟୁତ ମରାମତି ନାମରେ ଟାଟାପାୱାର ଦିନତମାମ ଲାଇନ କାଟି ଲୋକଙ୍କୁ ହନ୍ତସନ୍ତ କରିବାରେ ଲାଗିଥିବା ବେଳେ ମରାମତିର କୌଣସି ନା ଧରୁ ନ ଥିବାର ଦେଖିବାକୁ ମିଳିଛି। ବୁଧବାର ଦିନତମାମ ମରାମତି ନାମରେ ଲାଇନ କଟାଯାଇ ଥିବାବେଳେ ମରାମତି କାର୍ଯ୍ୟ ଠିକ ଭାବରେ ହୋଇ ନ ଥିବା ସହ ତଦାରଖ ହୋଇ ନ ଥିବା ହେତୁ ଗୁରବାର ସକାଳେ ପୁରୁଷୋତ୍ତମପୁର କଲେଜଛକ ଠାରେ ଏକ ଅଘଟଣ ଘଟିଛିା ରାସ୍ତାକଡରେ ଏକ ବିଦ୍ୟୁତ ପୋଲ ରହିଥିବା ବେଳେ ଏହାକୁ ଲାଗି ଫୁଟପାଥରେ ବ୍ୟବସାୟୀମାନେ ବେପାର କରୁଥିଲୋ ଟାଟାପାୱାରର ଦାୟିତ୍ୱହୀନତା ଯୋଗୁଁ ବିଦ୍ୟୁତ ପୋଲରେ କରେଣ୍ଟ ଚାର୍ଜ ହୋଇ ରହିଥିଲା। ଏହା ଜାଣି ନ ପାରି ବ୍ୟବସାୟୀ ଜଣକ ନଡିଆ ବାହାର କରିବା ବେଳେ ବିଦ୍ୟୁତ ପୋଲରେ ଲାଗିଯାଇ ଦୂରକୁ ଛିଟିକି ପଡି ଗୁରୁତର ଭାବେ ଆହାତ ହୋଇଥିଲୋ ଏହାକୁ ଦେଖି ସ୍ଥାନୀୟ ଲୋକ ବ୍ୟବସାୟୀଙ୍କ ସଙ୍ଗେ ସଙ୍ଗେ ପୁରୁଷୋତ୍ତମପୁର ଗୋଷ୍ଠି ସ୍ବାସ୍ଥ୍ୟକେନ୍ଦରେ ଭର୍ତ୍ତି କରିଥିଲେ। ବ୍ୟବସାୟୀ ଜଣକ ହେଉଛନ୍ତି ପ୍ରମୋଦ କୁମାର ଲେଙ୍କା(୫୨)। ତାଙ୍କ ଘର ନୟାଗଡ ଜିଲା ଭାପୁର ବ୍ଲକ ପିଠାଖାଇ ଗ୍ରାମରେ ହୋଇଥିବା ବେଳେ ସେ ପେଟ ପୋଷିବା ଲାଗି ଏଠାକୁ ଆସି ଫୁଟପାଥରେ ବସି ନଡିଆ କଦଳୀ ମାନ ବିକ୍ରି କରୁଛନ୍ତିା ଏହି ଘଟଣାକୁ ନେଇ ଏଠାରେ ତୀବ୍ର ଜନ ଅସନ୍ତୋଷ ଦେଖାଯିବା ସହ ଲୋକେ ଟାଟାପାୱାରକୁ ଦାୟୀ କରିଛନ୍ତିା