ବର୍ତ୍ତମାନ ଆଧାରକାର୍ଡ ସଭିଙ୍କର ପରିଚୟ ପାଲଟିଛି। ପିଲାଠୁ ବୃଦ୍ଧ ସଭିଙ୍କ ପାଇଁ ପ୍ରତ୍ୟେକ କ୍ଷେତ୍ରରେ ଏହାର ଆବଶ୍ୟକତା ରହୁଛି। ହେଲେ କେହି କେହି ଏହାର ଅପବ୍ୟବହାର କରି ଅନ୍ୟମାନଙ୍କୁ ଠକୁଥିବାର ଦେଖିବାକୁ ମିଳୁଛି। ତେଣୁ ନିଜ ଆଧାରକାର୍ଡକୁ ସୁରକ୍ଷିତ ରଖିବା ଲାଗି କିପରି ଲକ୍ କରିବେ ଜାଣିରଖନ୍ତୁ ଟିପ୍ସ…
ଆଧାରକାର୍ଡ ଭଳି ଜରୁରୀ ଡକ୍ୟୁମେଣ୍ଟ କୌଣସି କାରଣବଶତଃ ଯଦି ହଜିଯାଏ କିମ୍ବା ଚୋରି ହୋଇ କୌଣସି ଅସାମାଜିକ ବ୍ୟକ୍ତିଙ୍କ ହାତରେ ପଡ଼ିଯାଏ ତେବେ କାର୍ଡଧାରୀଙ୍କୁ ବିଭିନ୍ନ ଅସୁବିଧାର ସମ୍ମୁଖୀନ ହେବାକୁ ପଡ଼ିପାରେ। ତେଣୁ ଏହାକୁ ସୁରକ୍ଷିତ ରଖିବା ପାଇଁ କିପରି ଲକ୍ କରିପାରିବେ ଜାଣିରଖନ୍ତୁ ସେ ସମ୍ପର୍କରେ…
ଅନ୍ଲାଇନ୍ ଲକ୍:
ସର୍ବପ୍ରଥମେ UIDAI ଓ୍ବେବ୍ ସାଇଟ୍ରେ https://uidai.gov.in/ପେଜ୍ ଖୋଲନ୍ତୁ।
ସେଥିରେ ଥିବା ମାଇଁ ଆଧାର ଟ୍ୟାବ୍ରେ କ୍ଲିକ୍ କରି ଏହାକୁ ଓପନ୍ କରନ୍ତୁ।
ଏଠାରେ ଆଧାର ସର୍ଭିସେସ୍ ସେକ୍ସନକୁ ଯାଆନ୍ତୁ। ଏହାକୁ ଓପନ୍ କରିବା ପରେ ସେଥିରେ ଆପଣଙ୍କୁ ଆଧାର ଲକ୍ ଏବଂ ଅନ୍ଲକ୍ ଅପ୍ସନ ମିଳିବ।
ଏହାପରେ ଲକ୍ ୟୁଆଇଡି(Lock UID) ଅପ୍ସନ ଉପରେ କ୍ଲିକ୍ କରନ୍ତୁ।
– ସେଥିରେ ଦିଆଯାଇଥିବା ସୂଚନା ଅନୁଯାୟୀ ନିଜ ଆଧାର ନମ୍ବର, ପୂରା ନାମ, ପିନ୍ କୋଡ୍ ଆଦି ଏଣ୍ଟର କରନ୍ତୁ।
ଏହାପରେ ଏକ ସେଣ୍ଡ ଓଟିପି ଅପ୍ସନ ଆସିବ, ସେଥିରେ କ୍ଲିକ୍ କରି ନିଜ ରେଜିଷ୍ଟର୍ଡ ମୋବାଇଲ୍ ନମ୍ବରକୁ ସେଣ୍ଡ କରନ୍ତୁ। ଏହି ଓଟିପିକୁ ଏଣ୍ଟର କରି ସବ୍ମିଟ୍ କରନ୍ତୁ। ଏହାପରେ ଆପଣଙ୍କ ଆଧାରକାର୍ଡ ଲକ୍ ହୋଇଯିବ।
କିପରି କରିବେ ଅନ୍ଲକ୍:
ଯେପରି ଲକ୍ କରିଥିଲେ ସେହିପରି ପ୍ରଥମେ ଉପରୋକ୍ତ ଅନୁଦେଶ ଫଲୋ କରି ଅନ୍ଲକ୍ ୟୁଆଇଡି(Unlock UID) ଅପ୍ସନକୁ ଯାଆନ୍ତୁ।
ଏହାକୁ କ୍ଲିକ୍ କରିବା ପରେ ଆପଣଙ୍କୁ ୧୬ ଡିଜିଟ୍ଯୁକ୍ତ ଭର୍ଚୁଆଲ୍ ଆଇଡି ନମ୍ବର ଦେବାକୁ ପଡ଼ିବ।
ଏହାପରେ ସେଣ୍ଡ ଓଟିପି ଅପ୍ସନରେ କ୍ଲିକ୍ କରନ୍ତୁ। ରେଜିଷ୍ଟର୍ଡ ମୋବାଇଲ୍ ନମ୍ବରକୁ ଯାଇଥିବା ଓଟିପିକୁ ଏଠାରେ ଏଣ୍ଟର କରି ସବ୍ମିଟ୍ କରନ୍ତୁ।
ବର୍ତ୍ତମାନ ଆଧାରକାର୍ଡ ଅନ୍ଲକ୍ ହୋଇଗଲା।
ମନେରଖନ୍ତୁ: ଆଧାରକାର୍ଡ ଲକ୍ କିମ୍ବା ଅନ୍ଲକ୍ କରିବା ବେଳେ ଆସୁଥିବା ଓଟିପିକୁ କାହା ସହିତ ଶେୟାର କରନ୍ତୁ ନାହିଁ। ସୁରକ୍ଷା ଦୃଷ୍ଟିରୁ ପବ୍ଲିକ୍ କମ୍ପ୍ୟୁଟର୍ରେ ମଧ୍ୟ ଏହି କାମ ଆଦୌ କରନ୍ତୁ ନାହିଁ।