ବୟସ ବଢ଼ିବା ସହିତ କେଶର ରଙ୍ଗ ପରିବର୍ତ୍ତନ ହୋଇ ଧଳା ହେବା ଏକ ସାଧାରଣ କଥା। ମାତ୍ର ବର୍ତ୍ତମାନ ସମୟରେ କେବଳ ବୟସ୍କ ଲୋକ ନୁହନ୍ତି ବରଂ ଯୁବପିଢ଼ିମାନଙ୍କଠାରେ ଏହି ସମସ୍ୟା ଦେଖାଯାଉଛି। ଏହାର ମୁଖ୍ୟ କାରଣ ପାଲଟିଛି ଆଧୁନିକ ଜୀବନଶୈଳୀ ସହ କେଶକୁ ସୁନ୍ଦର କରିବା ନିମନ୍ତେ ବିଭିନ୍ନ ରସାୟନିକ ସାମଗ୍ରୀର ବ୍ୟବହାର। ଏଥିସହ ଚିନ୍ତା, ବାୟୁ ପ୍ରଦୂଷଣ ଆଦି ଏହାର ଅନ୍ୟତମ କାରଣ ବୋଲି କୁହାଯାଏ। ଯଦି ଏହି ସମସ୍ୟାକୁ ନେଇ ଆପଣ ଚିନ୍ତାରେ ଅଛନ୍ତି, ତେବେ ଏହାକୁ ସହଜ ଉପାୟରେ ରୋକିପାରିବେ। କେଶ ପାଇଁ ଭିଟାମିନ୍ ନିତାନ୍ତ ଆବଶ୍ୟକ। ତେଣୁ ଆପଣଙ୍କ ଖାଦ୍ୟପେୟରେ ଏସବୁ ବ୍ୟବହାର କରି ଏଥିରୁ ମୁକ୍ତି ପାଇପାରିବେ।
ବାଦାମ
ବାଦାମରେ କପର ଓ ଭିଟାମିନ୍ ’ଇ’ ରହିଥାଏ । ଏହା କେଶ ପାଇଁ ଅଧିକ ଲାଭଦାୟକ ହୋଇଥାଏ।
ଚକୋଲେଟ ମସ୍ରୁମ
ଏଥିରେ ମଧ୍ୟ ଅଧିକ ମାତ୍ରରେ କପର ଥାଏ, ଯାହା କେଶକୁ କଳା ଓ ଘଞ୍ଚ କରାଇଥାଏ।
ଶାଗ
ଶାଗ ଖାଇବା ଦ୍ୱାରା ଭିଟାମିନ୍ ବି ମିଳିଥାଏ, ଯାହା ଶରୀର ପାଇଁ ଜରୁରୀ । ଏହା କେଶକୁ କଳା କରାଇଥାଏ।
ଅଣ୍ଡା
ଅଣ୍ଡାରେ ଭିଟାମିନ ବି -୧୨ ଥାଏ,ଏହା କେଶ ପାଇଁ ଅଧିକ ଜରୁରୀ ହୋଇଥାଏ। ଯଦି ଆପଣଙ୍କର ଅଣ୍ଡା ଖାଇବାରେ କୌଣସି ସମସ୍ୟା ନ ଥାଏ ତେବେ ପ୍ରତିଦିନ ଏହାକୁ ଖାଇପାରିବେ।