ନୂଆଦିଲ୍ଲୀ,୨୩।୨: ପୂର୍ବତନ କଂଗ୍ରେସ ନେତା ବାବା ସିଦ୍ଦିକିଙ୍କ ପୁଅ ଜିଶାନ ସିଦ୍ଦିକିଙ୍କୁ ମୁମ୍ବାଇ ଯୁବ କଂଗ୍ରେସ ସଭାପତି ପଦରୁ ହଟାଇ ଦିଆଯାଇଛି। ଗୁରୁବାର ଜିଶାନ ସିଦ୍ଦିକି ଦାବି କରିଛନ୍ତି ଯେ, ମହାରାଷ୍ଟ୍ରର ନାନ୍ଦେଡରେ କଂଗ୍ରେସର ଭାରତ ଯୋଡୋ ଯାତ୍ରା ସମୟରେ ରାହୁଲ ଗାନ୍ଧୀଙ୍କ ନିକଟବର୍ତ୍ତୀ ଲୋକମାନେ ତାଙ୍କୁ କହିଥିଲେ ଯେ ଯଦି ଆପଣ ତାଙ୍କୁ ଭେଟିବାକୁ ଚାହାଁନ୍ତି ତେବେ ଆପଣଙ୍କୁ ୧୦ କିଲୋଗ୍ରାମ ଓଜନ ହ୍ରାସ କରିବାକୁ ପଡିବ। ଯାହାକୁ ନେଇ ସେ ଅଭିଯୋଗ କରିଛନ୍ତି। କଂଗ୍ରେସ ବିରୋଧରେ ଜିଶାନଙ୍କ ଅଭିଯୋଗ ଏଠାରେ ଶେଷ ହୋଇନାହିଁ। ୩୧ ବର୍ଷୀୟ ସିଦ୍ଦିକି କହିଛନ୍ତି ଯେ ସଂଖ୍ୟାଲଘୁ ନେତାମାନଙ୍କୁ କଂଗ୍ରେସରେ ଅସଦାଚରଣ କରାଯାଉଛି। ଦଳକୁ ଭେଦଭାବ ଓ ସାମ୍ପ୍ରଦାୟିକ ଆଭିମୁଖ୍ୟ ଥିବା ସେ ଅଭିଯୋଗ କରିଛନ୍ତି।
ସେ ଦାବି କରିଛନ୍ତି, କଂଗ୍ରେସରେ ସଂଖ୍ୟାଲଘୁ ନେତା ଓ ଶ୍ରମିକଙ୍କ ପ୍ରତି ଯେଉଁଭଳି ବ୍ୟବହାର କରାଯାଉଛି ତାହା ଦୁର୍ଭାଗ୍ୟଜନକ। କଂଗ୍ରେସ ଏବଂ ମୁମ୍ବାଇ ଯୁବ କଂଗ୍ରେସରେ ସାମ୍ପ୍ରଦାୟିକତାର ସ୍ତର ଅନ୍ୟ ସ୍ଥାନଠାରୁ ଭିନ୍ନ।
