ଏଭଳି ଏକ ଦେଶ ଅଛି, ଯେଉଁଠାରେ ତେଲ ଶେଷ ହେବା କାରଣରୁ ରାଜପଥରେ ଗାଡ଼ି ଅଟକାଇବା ବେଆଇନ। ଏଭଳି ନିୟମ ରହିଛି ଜର୍ମାନୀରେ। ଏହି ଦେଶରେ ଥିବା ସଡ଼କ ସୁରକ୍ଷା ଆଇନ ଅନୁଯାୟୀ, ଅତ୍ୟନ୍ତ ଜରୁରୀକାଳିନ ସ୍ଥିତିରେ ହିଁ ରାଜପଥରେ ଗାଡ଼ି ରୋକିପାରିବେ। ଗାଡ଼ିରୁ ତେଲ ଶେଷ ହେବା ଏକ ଜରୁରୀକାଳିନ ସ୍ଥିତି ନୁହେଁ। ଏହା ଡ୍ରାଇଭରଙ୍କ ଖାମଖିଆଲି ମନୋଭାବକୁ ଦର୍ଶାଏ। ଏଣୁ ରାଜପଥରେ ତେଲ ଶେଷ ହେବା କାରଣରୁ ଗାଡ଼ି ଅଟକାଇଲେ ୭୦ ୟୁରୋ ଫାଇନ୍ କଟାଯାଏ। ଭାରତୀୟ ମୂଦ୍ରାରେ ୫ ହଜାରରୁ ଅଧିକ ଟଙ୍କା। ରାଜପଥରେ ଅଟକି ଥିବା ଗାଡ଼ି କାରଣରୁ କୌଣସି ଦୁର୍ଘଟଣା ଘଟିଲେ ଫାଇନ ଆହୁରି ଅଧିକ ହୋଇପାରେ।
ତେବେ ରାଜପଥରେ ତେଲ ଶେଷ ହେବା କାରଣରୁ ଗାଡ଼ି ଅଟକିବା ପରେ ମଧ୍ୟ ଫାଇନ୍ରୁ ବଞ୍ଚିହେବ। କିନ୍ତୁ ଏଥି ନେଇ ଗାଡ଼ିକୁ ଯେମିତି ହେଲେ ଆଇନଗତ ପାର୍କିଂ ଯାଗାକୁ ନେବାକୁ ପଡ଼ିବ।