ନୂଆଦିଲ୍ଲୀ,୧୧।୪: ଆଇପିଏଲ୍ ୨୦୨୪ରେ ପ୍ରଦର୍ଶନକୁ ଦୃଷ୍ଟିରେ ରଖି ଆସନ୍ତା ବିଶ୍ୱକପ୍ରେ ଉଇକେଟକିପର ବ୍ୟାଟ୍ସମ୍ୟାନ୍ ଧ୍ରୁବ୍ ଜୁରେଲଙ୍କୁ ସୁଯୋଗ ମିଳିପାରେ ବୋଲି କୁହାଯାଉଛି। ହେଲେ ଚଳିତ ଆଇପିଏଲ୍ରେ ତାଙ୍କୁ ରାଜସ୍ଥାନ ରୟାଲ୍ସ ଅଧିନାୟକ ସଞ୍ଜୁ ସାମସନ୍ ଜାଣିଶୁଣି ସୁଯୋଗ ଦେଉନ ଥିବା ଅଭିଯୋଗ ହେଉଛି। ଫଳରେ ଏହି ଅଭିଯୋଗ କେତେ ସତ କେତେ ମିଛ ସେନେଇ ପ୍ରଶ୍ନବାଚୀ ସୃଷ୍ଟି ହୋଇଛି।
ଉତ୍ତରପ୍ରଦେଶର ଏହି ଉଇକେଟକିପର ବ୍ୟାଟ୍ସମ୍ୟାନ୍ ଫେବୃଆରୀ-ମାର୍ଚ୍ଚରେ ଇଂଲଣ୍ଡ ବିପକ୍ଷ ଟେଷ୍ଟ ସିରିଜରେ କିପର ଭାବେ ସୁଯୋଗ ମିଳିଥିଲା। ସେଥିରେ ସେ ଚତୁର୍ଥ ଟେଷ୍ଟର ଷ୍ଟାର ପାଲଟିଥିଲେ। ଏହାପରଠାରୁ ଆଇପିଏଲ୍ ଏବଂ ଟି୨୦ ବିଶ୍ୱକପ୍ରେ ତାଙ୍କୁ ଦେଖିବାକୁ କ୍ରିକେଟ ପ୍ରଶଂସକ ଆଶା କରିଥିଲେ। ହେଲେ ଏଯାବତ ସେ ଅଧିକ ନଜର ଆସି ନାହାନ୍ତି। ଏହାପଛରେ ସଞ୍ଜୁ ସାମସନ ଥିବା କୁହାଯାଉଛି।
ସୋସିଆଲ ମିଡିଆରେ ଅନେକ ବ୍ୟବହାରକାରୀ କହୁଛନ୍ତି ଯେ, ସାମସନ ଟି୨୦ ବିଶ୍ୱକପ୍ ଲାଗି ନିଜର ସ୍ଥାନ ପକ୍କା କରିବାକୁ ଚାହାନ୍ତି। ଏଥିଲାଗି ତାଙ୍କୁ ଧ୍ରୁବ୍ ପ୍ରତିନ୍ଦ୍ୱନ୍ଦୀ ଲାଗୁଛନ୍ତି। ଉଭୟ ଉଇକେଟକିପର ବ୍ୟାଟ୍ସମ୍ୟାନ୍ ଏବଂ ଫିନିସର ଭାବେ ଟିମ୍ଇଣ୍ଡିଆରେ ସ୍ଥାନ ପାଇପାରନ୍ତି। ଏମିତିରେ ଦୁହେଁ ଗୋଟିଏ ସ୍ଥାନ ଲାଗି କମ୍ପିଟେଶନ୍ କରୁଛନ୍ତି।
ଏଯାବତ ରାଜସ୍ଥାନ ଆଇପିଏଲ୍ରେ ୫ ମ୍ୟାଚ୍ ଖେଳିଛି। ସବୁ ମ୍ୟାଚ୍ରେ ଧ୍ରୁବ୍ଙ୍କୁ ସୁଯୋଗ ମିଳିଛି। ପ୍ରତି ମ୍ୟାଚ୍ରେ ସାମସନ୍ କିପିଂ କରୁଛନ୍ତି। ସେହିଭଳି ବ୍ୟାଟିଂକୁ ଦେଖିଲେ ଜୁରେଲ କେବେ ବ୍ୟାଟିଂ କରିବେ, ତାହା ଏକାକି ସାମସନ ନିଷ୍ପତ୍ତି ନେଇପାରିବେ ନାହିଁ। ଜୁରେଲ୍ଙ୍କୁ ୫ରୁ ୩ ଇନିଂସରେ ଖେଳିବାକୁ ଅବସର ମିଳିଥିଲେ ହେଁ ସେ ଭଲ ପ୍ରଦର୍ଶନ କରିନାହାନ୍ତି। ହେଲେ ପ୍ରାରମ୍ଭିକ ଉଇକେଟ ଯିବା ପରେ ଜୁରେଲଙ୍କ ସ୍ଥାନରେ ରବିଚନ୍ଦ୍ରନ ଅଶ୍ୱିନଙ୍କୁ ପଠାଯିବା ପରେ ବିବାଦ ଦେଖାଦେଇଛି। ଏସବୁ କରିବା ପଛରେ କ’ଣ କାରଣ ରହିଛି ସେନେଇ ଚିନ୍ତା ବଢ଼ିଛି।
Sanju Samson won’t send in Dhruv Jurel to bat because he knows Jurel will hit him out of the race for WorldT-20! Such a pity player! Shame!!
— Prashant Kumar (@scribe_prashant) April 10, 2024
Sanju Samson won’t send in Dhruv Jurel to bat because he knows Jurel will hit him out of the race for WorldT-20! Such a pity player! Shame!!
— Prashant Kumar (@scribe_prashant) April 10, 2024
