ମୁମ୍ବାଇ: ବଲିଉଡ ଅଭିନେତ୍ରୀ ସ୍ବରା ଭାଷ୍କର କିଛି ନା କିଛି କାରଣ ପାଇଁ ସବୁବେଳେ ଥାଆନ୍ତି ଚର୍ଚ୍ଚାରେ। ନିକଟରେ ଅଭିନେତ୍ରୀ ସମାଜବାଦୀ ପାର୍ଟି ନେତା ଫହଦ ଅହମ୍ମଦଙ୍କୁ ବିବାହ କରିଛନ୍ତି। ଏହାକୁ ନେଇ ଖୁବ ଚର୍ଚ୍ଚାରେ ଥିଲେ ସ୍ବରା। ଏବେ ବିବାହର ୪-୫ ମାସ ମଧ୍ୟରେ ଶୁଣିବାକୁ ମିଳିଛି କି ସ୍ବରା ଏବେ ମା’ ହେବାକୁ ଯାଉଛନ୍ତି। ସୋସିଆଲ ମିଡିଆରେ ଅଯୋଧ୍ୟାର ଜଣେ ମହନ୍ତ ରାଜୁଦାସ ସ୍ବରା ଭାସ୍କରଙ୍କୁ ନେଇ ଏକ ଟୁଇଟ କରିଛନ୍ତି। ଏଥିରେ ସେ ଅଭିନେତ୍ରୀଙ୍କ ପ୍ରେଗ୍ନେନସିକୁ ନେଇ କିଛି ପର୍ସନାଲ କଥା କହିଛନ୍ତି ଓ ଭାରତୀୟ ଜନତା ପାର୍ଟି(ଭାଜପା) ନେତା ନୀତିନ ଗଡକରୀଙ୍କ ସହ ତୁଳନା କରିଛନ୍ତି।
ସୂଚନାଯୋଗ୍ୟ, ମହନ୍ତ ରାଜୁଦାସ ହନୁମାନଗଡିଙ୍କ ଟୁଇଟ ଶେୟାର ମାତ୍ରେ ଏହା ଭାଇରାଲ ହେବାରେ ଲାଗିଲା ଏବଂ ଅନେକ ଲୋକ ତାଙ୍କ ପୋଷ୍ଟକୁ ରିଟୁଇଟ କରିଥିଲେ। ଏହି ସମୟରେ ସ୍ବରା ଭାସ୍କରଙ୍କୁ ବିବାହ ପରେ ଖୁବ ଶୀଘ୍ର ଗର୍ଭବତୀ ହେବାରୁ ସୋସିଆଲ ମିଡିଆରେ ଟ୍ରୋଲ କରାଯାଉଛି। ଏହା ସହିତ ସ୍ବରା ଏବେ ଟୁଇଟରରେ ମଧ୍ୟ ଟ୍ରେଣ୍ଡ କରୁଛନ୍ତି। ଯେଉଁଠାରେ ଅନେକ ଲୋକ ସ୍ବରାଙ୍କୁ ଟ୍ରୋଲ କରିଥିଲେ, ଅନେକ ମଧ୍ୟ ମହନ୍ତଙ୍କୁ ତାଙ୍କ ଭାଷା ପାଇଁ ତାଗିଦ ବି କରିଥିଲେ।
ଏ ସମ୍ପର୍କରେ ସ୍ବରା ଭାସ୍କରଙ୍କ କୌଣସି ପ୍ରତିକ୍ରିୟା ସାମ୍ନାକୁ ଆସି ନାହିଁ। ତେବେ ଅନେକ ଚ୍ୟାନେଲ ଏହି ଖବରକୁ ଫେକ ବୋଲି କହିଛନ୍ତି ଏବଂ ଯେଉଁ ଆକାଉଣ୍ଟରୁ ଏହି ନକଲି ଖବର ସେୟାର କରାଯାଉଛି ତାହା ମଧ୍ୟ ନକଲି ବୋଲି ଦାବି କରାଯାଇଛି।
ସୂଚନାଯୋଗ୍ୟ, ସ୍ବରା ଏବଂ ଫହଦ ଅହମ୍ମଦ ଚଳିତ ବର୍ଷ ଫେବୃୟାରୀରେ ବିବାହ କରିଥିଲେ। ଅଭିନେତ୍ରୀ ସ୍ବରା ଭାସ୍କର ପ୍ରଥମେ କୋର୍ଟରେ ବିବାହ କରିଥିଲେ ଏବଂ ପରେ ସମସ୍ତ ରୀତିନୀତି ସହିତ ବିବାହ କରିଥିଲେ। ଏକ ପଲିଟିକାଲ ରାଲିରେ ଏମାନେ ପରସ୍ପରଙ୍କୁ ଭେଟିଥିଲେ। ଯାହା ପରେ ସେମାନେ ବନ୍ଧୁ ହେଲେ ଏବଂ ପରେ ବନ୍ଧୁତା ପ୍ରେମରେ ପରିଣତ ହେଲା ।