ବେଜିଂ,୬।୫: ନିକଟରେ ଚାଇନାରେ କରୋନା ମହାମାରୀ ଯୋଗୁ ସାରା ଦେଶ ବିପର୍ଯ୍ୟସ୍ତ ହୋଇପଡିଥିଲା। ଦେଶରେ ଏହି ମହାମାରୀ ଯୋଗୁଁ ହଜାର ହଜାର ଲୋକ ପ୍ରାଣ ହରାଇଥିଲେ। ଏଥି ସହିତ ଚାଇନା ବର୍ତ୍ତମାନ ମହାମାରୀ ହେତୁ ମୃତ୍ୟୁରୁ ଏକ ଶିକ୍ଷା ଲାଭ କରିଛି। ସୋମବାର ଚାଇନା ଅନେକ ଏଜେନ୍ସି ଦେଶରେ ଆଇସିୟୁ ଶଯ୍ୟା ସଂଖ୍ୟା ବୃଦ୍ଧି ଉପରେ ଗୁରୁତ୍ୱାରୋପ କରିଛନ୍ତି। ଏଜେନ୍ସିମାନେ ସେମାନଙ୍କ ପ୍ରସ୍ତାବରେ କହିଛନ୍ତି ଯେ ଦେଶରେ ଆଇସିୟୁ ଶଯ୍ୟା ସଂଖ୍ୟା ୨୦୨୫ ସୁଦ୍ଧା ୧୦୦,୦୦୦ ଲୋକଙ୍କ ପାଇଁ ୧୫ ଏବଂ ୨୦୨୭ ସୁଦ୍ଧା ୧୮ ହେବା ଉଚିତ।
ଜନସ୍ବାସ୍ଥ୍ୟ ବ୍ୟବସ୍ଥାର ଅଂଶ ଭାବରେ ଚାଇନେ ସାମ୍ପ୍ରତିକ ସମୟରେ ଆଇସିୟୁ ଶଯ୍ୟା ସଂଖ୍ୟାକୁ କିଛି ମାତ୍ରାରେ ବୃଦ୍ଧି କରିଛି। ତେବେ ଦେଶର ଜନସଂଖ୍ୟାକୁ ବିଚାରକୁ ନେଇ ଚାଇନାକୁ ଏହି ପ୍ରସଙ୍ଗରେ ସମାଲୋଚନାର ସମ୍ମୁଖୀନ ହେବାକୁ ପଡିବ। ଅନେକ ସମାଲୋଚକ କହିଛନ୍ତି ଯେ ଦେଶସେ୍ ସ୍ବାସ୍ଥ୍ୟ ବ୍ୟବସ୍ଥା ଏବେ ମଧ୍ୟ ସଂରକ୍ଷିତ ନୁହେଁ।
ସୋମବାର ଚାଇନାର ଅନେକ ଏଜେନ୍ସି ମିଳିତ ବିବୃତ୍ତି ଜାରି କରିଛନ୍ତି। ଜାତୀୟସ୍ବାସ୍ଥ୍ୟ ଆୟୋଗ ସମେତ ଅନେକ ଏଜେନ୍ସି ସେମାନଙ୍କ ସୁପାରିଶରେ ଡାକ୍ତରଖାନା ଶଯ୍ୟା ସଂଖ୍ୟା ବୃଦ୍ଧି ଉପରେ ମଧ୍ୟ ଗୁରୁତ୍ୱାରୋପ କରିଛନ୍ତି।