ନୂଆଦିଲ୍ଲୀ, ୨୨।୭: ବେଳେବେଳେ ସ୍ମାର୍ଟଫୋନ୍ ହ୍ୟାଙ୍ଗ୍ ହୋଇଯାଇଥାଏ। ତେବେ ଏଥିପାଇଁ ବ୍ୟସ୍ତ ନ ହୋଇ କେତେକ ଉପାୟ ଅବଲମ୍ବନ କରନ୍ତୁ। ମାତ୍ର ୨ ମିନିଟ୍ ମଧ୍ୟରେ ସ୍ମାର୍ଟଫୋନ୍ ହ୍ୟାଙ୍ଗ୍ ହେବା ବନ୍ଦ ହୋଇଯିବ। ଏହା ପୂର୍ବଭଳି ସ୍ବାଭାବିକ ଭାବେ କାମ କରିବ। ପ୍ରଥମତଃ ଫୋନ୍ରେ କମ୍ ଆପ୍ ରଖିବାକୁ ଚେଷ୍ଟା କରନ୍ତୁ। ଏହାଦ୍ୱାରା ସ୍ମାର୍ଟଫୋନ୍ ଆଉ ହ୍ୟାଙ୍ଗ୍ ହୋଇ ନ ଥାଏ। ସେହିପରି ଫୋନ୍କୁ ହ୍ୟାଙ୍ଗ୍ ହେବାରୁ ଦୂରେଇ ରଖିବା ପାଇଁ ଗୁଗଲ ପ୍ଲେ ଷ୍ଟୋରକୁ ଯାଇ ଏହା ଉପରେ ଥିବା ୩ଟି ସମାନ୍ତରାଳ ଲାଇନ୍ରେ କ୍ଲିକ୍ କରନ୍ତୁ। ଏହାପରେ ସେଟିଂକୁ ଯାଇ ଡୁ ନଟ୍ ଅଟୋ ଅପଡେଟ୍ ଆପ୍ ଉପରେ କ୍ଲିକ୍ କରନ୍ତୁ। ଏହାଦ୍ୱାରା ଫୋନ୍ରେ ଥିବା ଆପ୍ ଅଟୋ ଅପଡେଟ୍ ହେବ ନାହିଁ। ଫଳରେ ସ୍ମାର୍ଟଫୋନ୍ ହ୍ୟାଙ୍ଗ୍ ହେବ ନାହିଁ। ସେହିପରି ମୋବାଇଲ୍ ସେଟିଂକୁ ଯାଇ ଏବାଉଟ୍ ଫୋନ୍ ଅପଶନ୍ ଉପରେ କ୍ଲିକ୍ କରନ୍ତୁ। ସେଠାରେ ଥିବା ସଫ୍ଟଓ୍ବେର ଇନଫରମେଶନ ଅପଶନ୍କୁ କ୍ଲିକ୍ କଲେ ବିଲ୍ଡ୍ ନମ୍ବର ଅପଶନ୍ ଆସିବ। ଏହାକୁ ୬-୭ ଥର କ୍ଲିକ୍ କଲେ ଡେଭଲପର ଅପଶନ୍ ଆସିବ। ଏହାକୁ ଅନ୍ କଲେ ବହୁ ଗୁଡ଼ିଏ ଅପଶନ୍ ଆସିବ। ସେଥିମଧ୍ୟରୁ ଓ୍ବିଣ୍ଡୋ ଆନିମେଶନ୍ ଜୁମ୍, ଟ୍ରାଞ୍ଜିଶନ୍ ଆନିମେଶନ୍ ସ୍କେଲ ଏବଂ ଆନିମେଟର ଡ୍ୟୁରେଶନ୍ ସ୍କେଲ ଆଦି ୩ଟି ଅପଶନ୍କୁ ବନ୍ଦ କରି ଦିଅନ୍ତୁ। ଏହାଧ୍ୱାରା ସ୍ମାର୍ଟଫୋନ୍ ଆଉ ହ୍ୟାଙ୍ଗ୍ ହେବ ନାହିଁ।
