ନୂଆଦିଲ୍ଲୀ,୧୪।୭ : ମାଓବାଦୀ ବିରୋଧୀ ଅପରେଶନ ସମୟରେ ଛତିଶଗଡରେ ଆଦିବାସୀଙ୍କ ହତ୍ୟା ଘଟଣାର ନ୍ୟାୟିକ ତଦନ୍ତ ପାଇଁ ସୁପ୍ରିମକୋର୍ଟ(ଏସ୍ସି) ଏକ ୧୩ ବର୍ଷ ପୁରୁଣା ଆବେଦନକୁ ଖାରଜ କରିଦେଇଛନ୍ତି। ଏହା ସହିତ କୋର୍ଟ ଆବେଦନକାରୀଙ୍କ ଉପରେ ୫ ଲକ୍ଷ ଟଙ୍କା ଜରିମାନା ମଧ୍ୟ ଦେଇଛନ୍ତି। ଏହା ବ୍ୟତୀତ ବାମପନ୍ଥୀ ଏବଂ ଚରମପନ୍ଥୀଙ୍କ ସୁରକ୍ଷା ଅଭିଯୋଗରେ କେତେକ ବ୍ୟକ୍ତି ଏବଂ ସଂଗଠନ କୋର୍ଟର ବ୍ୟବହାର କରୁଛନ୍ତି କି ନାହିଁ ତାହା ଉପରେ ପ୍ରଶ୍ନ କରିବା ସହିତ ସର୍ବୋଚ୍ଚ ନ୍ୟାୟାଳୟ ଏହାର ଯାଞ୍ଚ୍ ଅନୁମତି ଦେଇଛନ୍ତି।
ଜଷ୍ଟିସ ଏମ ଖାନୱିଲକର ଏବଂ ଜଷ୍ଟିସ ଜେ.ବି ପାରଦୀୱାଲଙ୍କ ନେତୃତ୍ୱରେ ଗଠିତ ଖଣ୍ଠଡପୀଠ ୨୦୧୯ରେ ଆଦିବାସୀ ଅଧିକାର କର୍ମୀ ହିମାଂଶୁ କୁମାର ଏବଂ ଅନ୍ୟ ୧୨ ଜଣଙ୍କ ଦ୍ୱାରା ଦାଖଲ ହୋଇଥିବା ଏକ ଆବେଦନ ଉପରେ ଏହି ରାୟ ଦେଇଛନ୍ତି। ମେ ୧୯ ରେ କୋର୍ଟ ଏହାର ରାୟ ସଂରକ୍ଷଣ କରିଥିଲେ। ଏଥିସହ କୋର୍ଟ ଆବେଦନକାରୀ କୁମାରଙ୍କୁ ଚାରି ସପ୍ତାହ ମଧ୍ୟରେ ୫ଲକ୍ଷ ଟଙ୍କା ଜରିମାନା ଦେବାକୁ ନିର୍ଦ୍ଦେଶ ଦେଇଛନ୍ତି।
ଚଳିତ ବର୍ଷ କେନ୍ଦ୍ର ସ୍ବରାଷ୍ଟ୍ର ମନ୍ତ୍ରଣାଳୟ ମାଧ୍ୟମରେ ସୁପ୍ରିମକୋର୍ଟରେ ଏନେଇ ଏକ ପିଟିଶନ ଦାଖଲ କରାଯାଇଥିଲା। ମାର୍ଚ୍ଚ ୨୦୨୨ରେ ସରକାର ଗ୍ରହଣ କରିଥିବା କୋର୍ଟ ରେକର୍ଡରୁ ଜିଲା ଜଜଙ୍କ ଏକ ରିପୋର୍ଟ ଅଦୃଶ୍ୟ ହୋଇଯାଇଥିବା ଆବେଦନପତ୍ରରେ ଦର୍ଶାଯାଇଛି। କେନ୍ଦ୍ର ସୂଚନାନୁସାରେ, ଅଭିଯୋଗକାରୀମାନେ ଜିଲା ଜଜଙ୍କ ନିକଟରେ ବିବୃତ୍ତି ଦେଇଛନ୍ତି ଯେ ଜଙ୍ଗଲରୁ କିଛି ଅଜ୍ଞାତ ବ୍ୟକ୍ତି ଆସି ଗ୍ରାମବାସୀଙ୍କୁ ହତ୍ୟା କରିଛନ୍ତି। ଏଥିସହ ସୁରକ୍ଷା ବାହିନୀର ସଦସ୍ୟଙ୍କ ଉପରେ କେହି ପ୍ରଶ୍ନ ଉଠାଇ ନାହାଁନ୍ତି।
ଏହା ପରେ କୌଣସି କେନ୍ଦ୍ରୀୟ ଏଜେନ୍ସିକୁ ଯାଞ୍ଚ୍ କରିବାକୁ କେନ୍ଦ୍ର ପକ୍ଷରୁ କୋର୍ଟରେ ଆବେଦନ କରାଯାଇଥିଲା। ହିଂସାତ୍ମକ ମାଓବାଦୀ କାର୍ଯ୍ୟକଳାପର ସୁରକ୍ଷା ପାଇଁ ମକଦ୍ଦମା ସହ ଜଡିତ ଥିବା ବ୍ୟକ୍ତି ଏବଂ ସଂଗଠନଗୁଡ଼ିକୁ ଚିହ୍ନଟ କରିବାକୁ ଚେଷ୍ଟା କରିବା ଲାଗି ଏଥିରେ ଉଲ୍ଲେଖ କରାଯାଇଥିଲା।