ନୂଆଦିଲ୍ଲୀ,୨୭।୧୧ : ବିରାଟ କୋହଲି ଭାରତର ସର୍ବଶ୍ରେଷ୍ଠ କ୍ରିକେଟରଙ୍କ ମଧ୍ୟରୁ ଅନ୍ୟତମ। ଅନ୍ୟ ଖେଳାଳିଙ୍କ ପାଇଁ ଆଜି କୋହଲିଙ୍କ କ୍ରିକେଟ ସ୍ଥିତିରେ ପହଞ୍ଚିବାର ସ୍ବପ୍ନ ଦେଖିବା ମଧ୍ୟ କଷ୍ଟକର ହୋଇଛି। ଆଇସିସି ବିଶ୍ୱକପ ୨୦୨୩ ରେ କୋହଲିଙ୍କ ବ୍ୟାଟିଂ ମଧ୍ୟ ଭଲଥିଲା। କୋହଲି ଏହି ବିଶ୍ୱକପରେ ନିଜ ବ୍ୟାଟିଂରେ ଅନେକ ବଡ଼ ରେକର୍ଡ କରିଛନ୍ତି, ଯାହା ଭାଙ୍ଗିବା ସହଜ ହେବ ନାହିଁ। ସମ୍ପ୍ରତି କୋହଲିଙ୍କ ଏକ ପୋଷ୍ଟ ପ୍ରଶଂସକଙ୍କୁ ଚକିତ କରିଛି। ଏହି ପୋଷ୍ଟରେ ଏହା ଦେଖିବାକୁ ମିଳୁଛି କୋହଲିଙ୍କ ନାକରେ ଆଘାତ ଲାଗିଛି ଏବଂ ତାଙ୍କ କପାଳରେ ମଧ୍ୟ କ୍ଷତ ଅଛି ।
ବିରାଟ କୋହଲିଙ୍କୁ ଭାରତର ସବୁଠାରୁ ଭଲ କ୍ରିକେଟର ଭାବେ ବିବେଚନା କରାଯାଏ। ଆହତ କାରଣରୁ କୋହଲି କ୍ରିକେଟ ଠାରୁ ଦୂରରେ ଥିବାର କ୍ୱଚିତ ଦେଖାଯାଏ। କୋହଲି ତାଙ୍କ ଫିଟନେସ ପାଇଁ ବିଭିନ୍ନ ପଦକ୍ଷେପ ଗ୍ରହଣ କରିଥାନ୍ତି।
କିନ୍ତୁ ଏବେ ତାଙ୍କ ଦ୍ୱାରା ପୋଷ୍ଟ ହୋଇଥିବା ଫଟୋ ପ୍ରଶଂସକଙ୍କ ଚିନ୍ତା ବଢ଼ାଇ ଦେଇଛି। ପ୍ରଶଂସକମାନେ ଏବେ ଚିନ୍ତିତ ଅଛନ୍ତି କି ସେମାନଙ୍କ ପ୍ରିୟ ଖେଳାଳି ବିରାଟ କୋହଲି ଆହତ ହୋଇଛନ୍ତି କି? ୨୭ ନଭେମ୍ବରରେ କୋହଲି ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଏକ ଫଟୋ ପୋଷ୍ଟ କରିଛନ୍ତି। ଏହି ଫଟୋରେ ଦେଖିବାକୁ ମିଳୁଛି କୋହଲିଙ୍କ ନାକରେ ଏକ ବ୍ୟାଣ୍ଡେଜ ଅଛି। କୋହଲିଙ୍କ କପାଳରେ କ୍ଷତ ଅଛି, କୋହଲିଙ୍କ ଗାଲରେ ମଧ୍ୟ କ୍ଷତ ଅଛି।
କୋହଲି ପ୍ରକୃତରେ ଆହତ ନାହାନ୍ତି। କୋହଲି ସମ୍ପୂର୍ଣ୍ଣ ଫିଟ ଅଛନ୍ତି। ସେ ନିଜ ଇନଷ୍ଟାଗ୍ରାମ ଷ୍ଟୋରୀରେ ପୋଷ୍ଟ କରିଥିବା ଫଟୋ ହେଉଛି ସ୍ନାପ। କୋହଲି ଫଟୋରେ ଏକ ଫିଲ୍ଟର ବ୍ୟବହାର କରିଛନ୍ତି। ସ୍ନାପ ରେ ଏକ ବିକଳ୍ପ ଅଛି, ଯେଉଁଥିରେ ଯଦି ଆପଣ ଏକ ଫଟୋ ନିଅନ୍ତି, ତେବେ ଆପଣଙ୍କ ନାକରେ ବ୍ୟାଣ୍ଡେଜ ଏବଂ କ୍ଷତ ଦୃଶ୍ୟମାନ ହେବ। କୋହଲି ସମାନ ଫିଲ୍ଟର ବ୍ୟବହାର କରି ଏହି ଫଟୋ ଉଠାଇ ନିଜ ଇନଷ୍ଟାଗ୍ରାମରେ ଶେୟାର କରିଛନ୍ତି। ତେଣୁ ପ୍ରଶଂସକମାନେ ଭୟଭୀତ ହେବାର କୌଣସି ଆବଶ୍ୟକତା ନାହିଁ। ଏହି ଫଟୋରେ ଧ୍ୟାନ ଦେବା କଥା ହେଉଛି କୋହଲି ଖୁସି ଅଛନ୍ତି ଏବଂ ବିଜୟ ସଙ୍କେତ ମଧ୍ୟ ଦେଖାଉଛନ୍ତି। ଏହା ସ୍ପଷ୍ଟ େଏହି ଫଟୋ କେବଳ ଏକ ଫିଲ୍ଟର ଏବଂ ଅନ୍ୟ କିଛି ନୁହେଁ।