ମୁମ୍ବାଇ,୨୪।୧୨: ଭାରତର ସବୁଠାରୁ ଧନୀ ବ୍ୟବସାୟୀ ମୁକେଶ ଅମ୍ବାନୀ ଏବଂ ନୀତା ଅମ୍ବାନୀଙ୍କ ଝିଇ ଇଶା ଅମ୍ବାନୀ ନିକଟରେ କାଲିଫର୍ନିଆର ଲସ୍ ଏଞ୍ଜେଲସ୍ରେ ଯାଆଁଳା ସନ୍ତାନଙ୍କୁ ଜନ୍ମ ଦେଇଛନ୍ତି। ବର୍ତ୍ତମାନ ଇଶା ତାଙ୍କ ଯାଆଁଳା ପିଲାଙ୍କ ସହ ପ୍ରଥମ ଥର ପାଇଁ ଭାରତକୁ ଆସିଛନ୍ତି। ନିଜ ଯାଆଁଳା ଶିଶୁ ସହିତ ଭାରତ ଫେରିଥିବା ଇଶା ଅମ୍ବାନୀଙ୍କୁ ସ୍ବାଗତ କରିବା ପାଇଁ ତାଙ୍କ ପୁରା ପରିବାର ବିମାନବନ୍ଦରରେ ପହଞ୍ଚିଥିଲେ।
ବିମାନବନ୍ଦରରେ ଝିଅ ଇଶାଙ୍କ ସ୍ବାଗତ ପାଇଁ ସ୍ବତନ୍ତ୍ର ଭାବେ ନୀତା ଅମ୍ବାନୀ ଏବଂ ମୁକେଶ ଅମ୍ବାନୀ ମଧ୍ୟ ପହଞ୍ଚିଥିଲେ। ଏହି ସମୟରେ ନୀତା ଅମ୍ବାନୀ ସମସ୍ତଙ୍କୁ ହାତ ଯୋଡ଼ି ଅଭିବାଦନ ଜଣାଇଥିଲେ। ସେହିପରି ଇଶା ଏବଂ ତାଙ୍କ ସନ୍ତାନଙ୍କୁ ଭବ୍ୟ ସ୍ବାଗତ ପାଇଁ ଅମ୍ବାନୀ ପରିବାର ପକ୍ଷରୁ ବିଶେଷ ପ୍ରସ୍ତୁତି କରାଯାଇଛି। ଇଶାଙ୍କ ଗୋଟିଏ ଝଲକ ଦେଖିବା ପାଇଁ ପ୍ରଂଶସକଙ୍କ ଭିଡ଼ ଜମିଥିଲା। ସୂଚନା ମୁତାବକ, ଇଶା ଅମ୍ବାନୀ ଆନନ୍ଦ ପିରାମଲଙ୍କୁ ବିବାହ କରିଛନ୍ତି। ଚଳିତ ବର୍ଷ ନଭେମ୍ବର ୧୯ରେ କାଲିଫର୍ନିଆର ଲସ୍ ଏଞ୍ଜେଲ୍ସର ସିଡୋର ସିନୋଇରେ ଇଶା ଅମ୍ବାନୀ ଦୁଇଟି ସୁନ୍ଦର ସନ୍ତାନ, ଗୋଟିଏ ପୁଅ ଏବଂ ଗୋଟିଏ ଝିଅକୁ ଜନ୍ମ ଦେଇଥିଲେ।
