ନୂଆଦିଲ୍ଲୀ,୨୪।୨: ଭାରତ-ଇଂଲଣ୍ଡ ବିପକ୍ଷ ତୃତୀୟ ଟେଷ୍ଟ ମ୍ୟାଚ୍ରେ ଇତିହାସ ରଚିଛନ୍ତି ବୋଲର୍ ଈଶାନ୍ତ ଶର୍ମା। ଅହମ୍ମଦାବାଦର ମୋଟେରା ଷ୍ଟାଡିୟମରେ ସେ ପଦାର୍ପଣ କରିବା ପରେ ବଡ଼ ଉପଲବ୍ଧି ହାସଲ କରିଛନ୍ତି। ଏହା ତାଙ୍କ କ୍ୟାରିୟରର ୧୦୦ତମ ମ୍ୟାଚ୍। କପିଲ ଦେବଙ୍କ ପରେ ଏଭଳି କରିବାରେ ସେ ଦ୍ୱିତୀୟ ଦ୍ରୁତ ବୋଲର୍ ପାଲଟିଛନ୍ତି।
ଗତ ବର୍ଷ ଏହି ସଫଳତା ହାସଲ କରିପାରିଥାନ୍ତେ ଈଶାନ୍ତ। ହେଲେ ଆଘାତ ସମସ୍ୟା ଦେଇ ଗତି କରିଥିବାରୁ ସେ ଏଭଳି ହୋଇପାରି ନ ଥିଲା। ଆଇପିଏଲ୍୨୦୨୦ ଖେଳୁଥିବା ବେଳେ ସେ ଆହତ ହୋଇଯାଇଥିଲେ। ଫିଟ୍ ହୋଇ ନ ଥିବାରୁ ଅଷ୍ଟ୍ରେଲିଆ ଗସ୍ତରେ ସେ ଯାଇପାରି ନ ଥିଲେ। ଚଳିତ ମାସରେ ଖେଳାଯାଉଥିବା ଟେଷ୍ଟ ସିରିଜ୍ରେ ସେ ଦଳକୁ ପୁଣି ଫେରିଛନ୍ତି। ଏଯାବତ ସେ ୫ ଉଇକେଟ ନେଇ ସାରିଲେଣି।
୨୦୦୭ରେ ରାହୁଲ ଦ୍ରାବିଡଙ୍କ ଅଧିନାୟକତ୍ୱରେ ଟେଷ୍ଟ ଡେବ୍ୟୁ କରିଥିଲେ ଈଶାନ୍ତ। ଏହାପରେ ସେ ଅନିଲ କୁମ୍ବଲେ, ମହେନ୍ଦ୍ର ସିଂହ ଧୋନୀ, ବିରାଟ କୋହଳି ଏବଂ ଅଜିଙ୍କ୍ୟ ରାହାନେଙ୍କ ଅଧିନାୟକତ୍ୱରେ ଖେଳି ସାରିଛନ୍ତି। ୧୦୦ ଟେଷ୍ଟ ମ୍ୟାଚ୍ରେ ସେ ୩୦୨ ଉଇକେଟ ନେଇ ସାରିଛନ୍ତି। ସେଥିରେ ୧୧ଥର ୫ ଉଇକେଟ ନେଇଛନ୍ତି ସେ।