ନୂଆଦିଲ୍ଲୀ,୧୧।୫: କିମ୍ବଦନ୍ତୀ ଦ୍ରୁତ ବୋଲର ଈଶାନ୍ତ ଶର୍ମା ଏବେ ଆଇପିଏଲ୍ ୨୦୨୪ରେ ନିଜର ଦମ୍ ଦେଖାଉଛନ୍ତି। ଏବେ ସେ ଦିଲ୍ଲୀ କ୍ୟାପିଟାଲ୍ସର ଅଂଶ ଥିବା ବେଳେ ଦମ୍ଦାର ବୋଲିଂ କରୁଛନ୍ତି। ଦଳ ଏବେ ପ୍ଲେ ଅଫ୍ ରେସ୍ରେ ଥିବା ବେଳେ ଖେଳାଳିମାନେ ଆଗାମୀ ମ୍ୟାଚ୍ ଲାଗି ପ୍ରସ୍ତୁତି ଚଳାଇଛନ୍ତି। ଏସବୁ ମଧ୍ୟରେ ଈଶାନ୍ତଙ୍କ ଏକ ଏଭଳି ଭିଡିଓ ଭାଇରାଲ ହେଉଛି ଯେଉଁଥିରେ ସେ ଜଣେ ବ୍ୟକ୍ତିଙ୍କୁ ଧମକ ଦେଉଛନ୍ତି ଏବଂ ପାଖରେ ବନ୍ଧୁକ ଥିବା କହୁଛନ୍ତି।
ଈଶାନ୍ତ ଫ୍ରାଞ୍ଚାଇଜ ସହ ଜଡ଼ିତ ଅଭିନେତା ତଥା କମେଡିଆନ ସତୀଶ ରେଙ୍କ ସହ ଏକ ସାକ୍ଷାତକାର ଦେଉଥିଲେ। ସାକ୍ଷାତକାର ନେଉଥିବା ବେଳେ ସତୀଶ ତାଙ୍କର ମଜା ଉଡାଇଥିଲେ। ଏଣୁ ଈଶାନ୍ତ ସିଧା ତାଙ୍କୁ ଧମକ ଦେଇଥିଲେ। ସେ ନିଜ ଶୁଟ୍କେସରେ ବନ୍ଧୁକ ରଖିଛନ୍ତି। ତାଙ୍କୁ ଦେଖାଇ ବି ପାରନ୍ତି। ଏହାଶୁଣି ସତୀଶ ଚୁପ୍ ହୋଇଯାଇଥିଲେ। ଭିଡିଓଟିକୁ ଦିଲ୍ଲୀ କ୍ୟାପିଟାଲ୍ସ ନିଜର ସୋସିଆଲ ମିଡିଆ ଆକାଉଣ୍ଟରେ ଶେୟାର କରିଛି। ଏହାକୁ ଅନେଷ୍ଟ ଇଣ୍ଟରଭ୍ୟୁ ନାମ ଦିଆଯାଇଛି।