ନୂଆଦିଲ୍ଲୀ, ୩।୧: ୨୦୨୩-୨୪ ସିଜିନରେ ଲଗାତାର ଖରାପ ପ୍ରଦର୍ଶନ କାରଣରୁ ଇଣ୍ଡିଆନ୍ ସୁପର ଲିଗ୍ ଦଳ ମୋହନ ବାଗାନ୍ ସୁପର ଜାଏଣ୍ଟ ଏହାର ମୁଖ୍ୟ କୋଚ୍ ଜୁଆନ୍ ଫେରେଣ୍ଡୋଙ୍କୁ ବହିଷ୍କାର କରିଛି। ଆସନ୍ତା କଳିଙ୍ଗ କପରୁ ଦଳର ଟେକ୍ନିକାଲ କୋଚ୍ ଆଣ୍ଟୋନି ହାବାସ ମୁଖ୍ୟ କୋଚ୍ ଭାବେ ଦାୟିତ୍ୱ ନେବେ। ଆଣ୍ଟୋନି ହାବାସ ପୂର୍ବରୁ ଆଟଲେଟିକୋ ଡି କୋଲକାତା(ଏଟିକେ) ଏବଂ ଏଟିକେ ମୋହନ ବାଗାନ୍ ମୁଖ୍ୟ କୋଚ୍ ଥିଲେ।
ଚଳିତ ସିଜିନରେ ମୋହନ ବାଗାନ୍ ଦଳ ଚମତ୍କାର ପ୍ରଦର୍ଶନ ସହିତ ଆରମ୍ଭ କରିଥିଲା। ତେବେ ନଭେମ୍ବର ମାସରୁ ଦଳର ପ୍ରଦର୍ଶନ ଅତ୍ୟନ୍ତ ନୈରାଶ୍ୟଜନକ ରହିବ ସହିତ ଏଏଫସି କପ୍ ଗ୍ରୁପ ପର୍ଯ୍ୟାୟରୁ ବାଦ ପଡିଥିଲା ଏବଂ ଆଇଏସଏଲରେ ଲଗାତାର ତିନୋଟି ମ୍ୟାଚରେ ପରାଜୟର ସାମ୍ନା କରିଛି। ଆଇଏସଏଲ ଲିଗ୍ ର ପଏଣ୍ଟ ଟେବୁଲରେ ଦଳ ଏବେ ପଞ୍ଚମ ସ୍ଥାନରେ ରହିଛି।
For the ISL Cup win, for the Durand Cup win, for the numerous memories, thank you Juan!#MBSG #JoyMohunBagan #আমরাসবুজমেরুন pic.twitter.com/epkYctazOC
— Mohun Bagan Super Giant (@mohunbagansg) January 3, 2024
୨୦୨୧-୨୨ ସିଜିନ୍ ମଝିରେ ଫେରେଣ୍ଡୋ ମୋହନ ବାଗାନରେ ଯୋଗ ଦେଇଥିଲେ ଏବଂ ଏହା ପରେ ୨୦୨୩ ମସିହାରେ କ୍ଲବକୁ ଆଇଏସଏଲ ଟାଇଟଲ ଏବଂ ଚଳିତ ସିଜିନ୍ ଆରମ୍ଭରେ ପାରମ୍ପରିକ ପ୍ରତିଦ୍ବନ୍ଦୀ ଇଷ୍ଟ ବେଙ୍ଗଲକୁ ହରାଇ ଡୁରାଣ୍ଡ କପ ଜିତିଥିଲା।
