ଜେରୁଜେଲମ,୧।୧୧: ହମାସ ସହିତ ଚାଲିଥିବା ଯୁଦ୍ଧ ମଧ୍ୟରେ ଇସ୍ରାଏଲର ଶକ୍ତି ଏବଂ ଭିତ୍ତିଭୂମି ମନ୍ତ୍ରଣାଳୟ ଦେଶର ପରିବହନ ମାର୍ଗ ତଥା କେନ୍ଦ୍ରୀୟ ସ୍ଥାନରେ ୭୦୭ ଅଲଟ୍ରା-ଫାଷ୍ଟ ଏବଂ ହାଇ ସ୍ପିଡ (ଡିସି) ଚାର୍ଜିଂ ଷ୍ଟେଶନ ସ୍ଥାପନ ପାଇଁ ଅର୍ଥ ଯୋଗାଉଛି।
ସୂଚନା ପ୍ରଦାନ କରି ଶକ୍ତି ଏବଂ ଭିତ୍ତିଭୂମି ମନ୍ତ୍ରଣାଳୟ କହିଛି ଯେ, ବୈଦ୍ୟୁତିକ ଯାନ ପାଇଁ ଦ୍ରୁତ ଏବଂ ଅଲଟ୍ରା-ଫାଷ୍ଟ ଚାର୍ଜିଂ ଷ୍ଟେଶନ ନିର୍ମାଣ ପାଇଁ ଗ୍ୟାସ ପ୍ରଶାସନ ଟେଣ୍ଡର ବିଜେତାଙ୍କ ନାମ ଘୋଷଣା କରିଛି। ମନ୍ତ୍ରଣାଳୟ ସମଗ୍ର ଦେଶରେ ୫୨ ଉଦ୍ୟୋଗୀଙ୍କୁ ପ୍ରାୟ ୭ ମିଲିୟନ ଆମେରିକୀୟ ଡଲାର ଆବଣ୍ଟନ କରିବ।
ଶକ୍ତି ଏବଂ ଭିତ୍ତିଭୂମି ମନ୍ତ୍ରଣାଳୟ ରିପୋର୍ଟ କରିଛି ଯେ ଇସ୍ରାଏଲରେ ବୈଦ୍ୟୁତିକ ଯାନ ପାଇଁ ୩୫୦ ଅଲଟ୍ରା-ଫାଷ୍ଟ ଚାର୍ଜିଂ ଷ୍ଟେଶନ ଏବଂ ୩୫୭ଟି ଫାଷ୍ଟ ଚାର୍ଜିଂ ଷ୍ଟେଶନ ଖୁବ ଶୀଘ୍ର ଦେଶରେ ସ୍ଥାପନ କରାଯିବ। ସୂଚନାଯୋଗ୍ୟ ଯେ ଇସ୍ରାଏଲର ବର୍ତ୍ତମାନ ୪,୦୦୦ରୁ ଅଧିକ ସାର୍ବଜନୀନ ଚାର୍ଜିଂ ଷ୍ଟେସନ ଅଛି, ସେଥିମଧ୍ୟରୁ ପ୍ରାୟ ୩,୪୦୦ ଧୀର ଏବଂ ୬୦୦ରୁ ଅଧିକ ଦ୍ରୁତ ଅଟେ।