ଜେରୁଜେଲମ୍,୨୩ା୧୦: ସୋମବାର ସକାଳେ ଲେବାନନ୍ରେ ଦୁଇଟି ହିଜ୍ବୁଲ ସେଲ୍ ଉପରେ ଇସ୍ରାଏଲ ଏୟାରଷ୍ଟ୍ରାଇକ୍ କରିଛି। ଏନେଇ ସ୍ଥାନୀୟ ଗଣମାଧ୍ୟମ ସୂଚନାରୁ ଜଣାପଡ଼ିଛି। ତେବେ ଇସ୍ରାଏଲ ଆକ୍ରମଣରେ କେତେ ମୃତାହତ ହୋଇଛନ୍ତି ସେ ସମ୍ପର୍କରେ କୌଣସିସୂଚନା ମିଳିନାହିଁ। ଇସ୍ରାଏଲ ସୈନ୍ୟ କହିଛନ୍ତି ଯେ, ହିଜ୍ବୁଲ ଆତଙ୍କବାଦୀମାନେ ଇସ୍ରାଏଲ ଆଡ଼କୁ ଟ୍ୟାଙ୍କ୍ ବିରୋଧୀ କ୍ଷେପଣାସ୍ତ୍ର ଏବଂ ରକେଟ୍ ମାଡ଼ କରିବାକୁ ଯୋଜନା କରୁଥିଲେ।
ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁ ଲେବାନନ୍ ସୀମା ନିକଟରେ ନିୟୋଜିତ ସ୍ୟୈମାନଙ୍କୁ ପରିଦର୍ଶନ କରିଥିଲେ। ଏହି ସମୟରେ ସେ ଚେତାବନୀ ଦେଇଛନ୍ତି ଯେ, ଯଦି ହିଜ୍ବୁଲ ଯୁଦ୍ଧରେ ପ୍ରବେଶ କରିବାକୁ ନିଷ୍ପତ୍ତି ନିଏ ତେବେ ଏହା ସବୁଠାରୁ ବଡ଼ ଭୁଲ୍ ହେବ। ସେ କହିଛନ୍ତି, ଏହା ଲେବାନନ୍ ପାଇଁ ଭଲ ହେବ ନାହିଁ ଏବଂ ଏହାର ପରିଣାମ ଭୟଙ୍କର ହେବ।