ନୂଆଦିଲ୍ଲୀ,୨୫/୧୦: ଇସ୍ରାଏଲ ଏହାର ୭୫ ବର୍ଷର ଇତିହାସରେ ବର୍ତ୍ତମାନ ଭୟଙ୍କର ସ୍ଥିତି ଦେଇ ଗତି କରୁଛି। ପାଲେଷ୍ଟାଇନ ଆତଙ୍କୀ ସଂଗଠନ ହମାସ ସହିତ ୧୯ ଦିନ ଧରି ଯୁଦ୍ଧ ଲାଗି ରହିଛି। ଏହି ଯୁଦ୍ଧରେ ଅନେକ ପରିବାର ଶେଷ ହୋଇଯାଉଥିବା ବେଳେ ଅନେକ ଶିଶୁ ମୃତ୍ୟୁ ବରଣ କରିଛନ୍ତି। ଯୁଦ୍ଧରେ ଅନେକ ଭିତ୍ତିଭୂମି ନଷ୍ଟ ହେଉଛି, ଏକା ସାଙ୍ଗରେ ମା’ ଏବଂ ପୁଅର ଜୁଇ ମଧ୍ୟ ଜଳିଛି। ଗତ ସପ୍ତାହରେ ହମାସର ଆକ୍ରମଣରେ ଉଭୟେ ମୃତ୍ୟୁ ବରଣ କରିଥିଲେ।
୭ ଅକ୍ଟୋବରରେ ହମାସ ଆକ୍ରମଣରେ ଆବିଦା କାର୍ମଲଙ୍କ ପରିବାର ଶେଷ ହୋଇଯାଇଥିଲା। ତାଙ୍କର ୧୫ ବର୍ଷୀୟ ପୁଅ କାର୍ମଲ ବାଉଚର ଏବଂ ତାଙ୍କର ସ୍ତ୍ରୀ ଡାନାଙ୍କ ମୃତ୍ୟୁ ହୋଇଯାଇଥିଲା। ଅନ୍ୟପଟେ ଆବିଦା ଯୁଦ୍ଧରେ ତାଙ୍କର ଗୋଡ଼ ହରାଇଛନ୍ତି। ମଙ୍ଗଳବାର ପରିବାର, ବନ୍ଧୁ ଏବଂ ଆତ୍ମୀୟମାନେ ମା’-ପୁଅଙ୍କର ଅନ୍ତିମ ସତ୍କାର କରିଥିଲେ।
ଏହି ସମୟର ଦୃଶ୍ୟ ଖୁବ ଭାବବିହ୍ୱଳ ଥିଲା। ପରିବାର ଲୋକେ ପୁଅ ସହିତ ତାର ମନ ପସନ୍ଦ ଖେଳନା(ସର୍ଫବୋର୍ଡ)କୁ ସମାଧି ଦେଇଥିଲେ। ହ୍ୱିଲ୍ ଚେୟାର ଉପରେ ବସି ଆବିଦା ନିଜର ସ୍ତ୍ରୀ ଏବଂ ପୁଅକୁ ବିଦାୟ ଦେଇଥିଲେ।
୭ ଅକ୍ଟୋବର ସକାଳୁ ହମାସ ଗାଜା ପଟିରୁ ଇସ୍ରାଏଲ ଉପରକୁ ୫୦୦୦ ରୁ ଅଧିକ ରକେଟ ମାଡ଼ କରିଥିଲା। ଏହା ସହିତ ହାମାସର ଯବାନ ମାନେ ସୁଡ଼ଙ୍ଗ ଖୋଲି ଘାତ ଲଗାଇ ଆକ୍ରମଣ କରିଥିଲେ। ଏହି ଯୁଦ୍ଧରେ ବର୍ତ୍ତମାନ ସୁଦ୍ଧା ୬,୫୦୦ ରୁ ଅଧିକ ଲୋକେ ମୃତ୍ୟୁ ବାରଣ କରିଛନ୍ତି। ଏବେ ମଧ୍ୟ ହମାସ ୧୫୦ ଲୋକଙ୍କୁ ବନ୍ଧକ ରଖିଛନ୍ତି। ଏହାପରେ ଇସ୍ରାଏଲ ଗାଜା ଉପରେ ଜବାବି ଆକ୍ରମଣ କରିଥିଲା।
