ଭାଜପା ଏମପିଙ୍କ ଗୁରୁତର ଅଭିଯୋଗ, କହିଲେ କଂଗ୍ରେସ-ଏଆଇଏମଆଇଏମ କରୁଛନ୍ତି ହମାସର ସମର୍ଥନ

ନୂଆଦିଲ୍ଲୀ,୧୦।୧୦: ଭାଜପାର ରାଷ୍ଟ୍ରୀୟ ମହାସଚିବ ତଥା କରିମନଗର ଏମପି ବନ୍ଦି ସଞ୍ଜୟ କୁମାର ମଙ୍ଗଳବାର ଅଭିଯୋଗ କରିଛନ୍ତି କି ପାଲେଷ୍ଟାଇନ ଆତଙ୍କବାଦୀ ସଂଗଠନ ହମାସକୁ କଂଗ୍ରେସ ଏବଂ ଅସଦୁଦ୍ଦିନ ଓୱାଇସିଙ୍କ ପାର୍ଟି ଅଲ ଇଣ୍ଡିଆ ମଜଲିସ-ଇ-ଇନ୍ତେହାଦୁଲ ମୁସଲିମ (ଏଆଇଏମଆଇଏମ) ସମର୍ଥନ କରୁଛନ୍ତି।
ଶନିବାର ହମାସ ଇସ୍ରାଏଲ ଉପରେ ଅନେକ ଥର ଆକ୍ରମଣ କରିଥିଲା ଯେଉଁଥିରେ ପ୍ରାୟ ୯୦୦ଲୋକଙ୍କର ମୃତ୍ୟୁ ଘଟିଥିଲା ଏବଂ ପ୍ରାୟ ୧୨୦୦ ଆହତ ହୋଇଥିଲେ। ଅଧିକାଂଶ ମହିଳାଙ୍କ ସମେତ ଶତାଧିକ ଇସ୍ରାଏଲ ନାଗରିକ ହମାସ ଦ୍ୱାରା ବନ୍ଧକ ହୋଇଥିଲେ।
ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଭାଜପା ନେତା ସଞ୍ଜୟ କୁମାର ନିଜର ପ୍ରତିକ୍ରିୟା ପ୍ରକାଶ କରିଛନ୍ତି। ସେ କହିଛନ୍ତି, ହମାସକୁ ସମର୍ଥନ କରି ଉଭୟ କଂଗ୍ରେସ ଏବଂ ଏଆଇଏମଆଇଏମ ଆତଙ୍କବାଦକୁ ସମର୍ଥନ କରୁଛନ୍ତି। ୟୁପିଏ ଶାସନ ସମୟରେ ଭାରତ ସବୁଠାରୁ ଭୟଙ୍କର ଆତଙ୍କବାଦୀ ଆକ୍ରମଣର ସମ୍ମୁଖୀନ ହେବା ଆଶ୍ଚର୍ଯ୍ୟର କଥା। ସେ ଆହୁରି ମଧ୍ୟ କହିଛନ୍ତି, ଏଆଇଏମଆଇଏମ ଏବଂ କଂଗ୍ରେସ ସର୍ବଦା ପିଏଫଆଇ, ହମାସ ଏବଂ ରୋହିଙ୍ଗ୍ୟାଙ୍କ ପକ୍ଷରେ ଅଛନ୍ତି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ନେତୃତ୍ୱରେ କେନ୍ଦ୍ର ସରକାର ହେଉଛନ୍ତି ଭାରତ ପାଇଁ ରକ୍ଷା କବଚ ଭଳି।