ରାଫାହ(ଗାଜା ଷ୍ଟ୍ରିପ୍),୧୪।୧:ଗାଜା ଷ୍ଟ୍ରିପ୍ ଉପରେ ଇସ୍ରାଏଲ୍ର ଆକ୍ରମଣକୁ ୧୦୦ ଦିନ ବିତିଛି। ଏହି ଯୁଦ୍ଧରେ ୨୩,୪୦୦ ପାଲେଷ୍ଟିନୀୟଙ୍କ ମୃତ୍ୟୁ ଘଟିବା ସହ ଗାଜା ଲୋକସଂଖ୍ୟାରେ ୮୫ ପ୍ରତିଶତ ଘରଦ୍ୱାର ଛାଡ଼ି ପଳାଇଯାଇଛନ୍ତି। ହଜାର ହଜାର ଲୋକ ଆହତ ହୋଇଛନ୍ତି। ଯେଉଁମାନେ ଗାଜାରେ ରହିଛନ୍ତି ସେମାନେ ଖାଦ୍ୟ, ଇନ୍ଧନ ଓ ଅନ୍ୟାନ୍ୟ ଅତ୍ୟାବଶ୍ୟକ ସାମଗ୍ରୀ ଅଭାବରେ ନାହିଁ ନ ଥିବା ଅସୁବିଧାର ସମ୍ମୁଖୀନ ହେବା ସହ ସବୁବେଳେ ଆତଙ୍କ ମଧ୍ୟରେ ରହିଛନ୍ତି।
ଗାଜାର ଜଣେ ଡାକ୍ତର ଯୁଦ୍ଧର ଭୟାବହତା ସମ୍ପର୍କରେ ନିଜର ଅନୁଭୂତି ଜଣାଇଛନ୍ତି। ଆକ୍ରମଣରେ ଆହତ ଲୋକମାନଙ୍କ ଚିକିତ୍ସାରେ ଡା. ସୁହେବ୍ ଅଲହାମ୍ସ ଏତେ ବ୍ୟସ୍ତ ରହୁଛନ୍ତି ଯେ, ତାଙ୍କୁ ରାତିରେ ଶୋଇବା ପାଇଁ କ୍ୱଚିତ୍ ସମୟ ମିଳୁଛି। ସେ ଅସ୍ତ୍ରୋପଚାର ପ୍ରକୋଷ୍ଠରେ କୌଣସି ପ୍ରକାରେ ବିଶ୍ରାମ ନେବାକୁ ଉଦ୍ୟମ କରିଥାନ୍ତି। ନିଦୁଆ ଅବସ୍ଥାରେ ତାଙ୍କୁ ରୋଗୀ ଦେଖିବାକୁ ପଡ଼ିଥାଏ। ହସ୍ପିଟାଲ ପରିସରରେ ମଧ୍ୟ ସେଲ୍ ମାଡ଼ ଜାରି ରହିଥାଏ। କୁଏତି ହସସ୍ପିଟାଲ ଭିତରୁ ଛୋଟ ପିଲାମାନଙ୍କ ଆର୍ତ୍ତ ଚିତ୍କାର ତାଙ୍କୁ ବ୍ୟଥିତ କରିଥାଏ ବୋଲି ଅଲହାମ୍ସ କହିଛନ୍ତି। ଶିଶୁମାନେ ଆହତ ହୋଇ ହସ୍ପିଟାଲରେ ଭର୍ତ୍ତି ହେଉଥିବାବେଳେ ସେମାନଙ୍କ ନିକଟରେ ମାଆବାପା ନ ଥାନ୍ତି। କୁଏତ୍ ସରକାରଙ୍କ ସହାୟତାରେ ଚାଲିଥିବା ତାଙ୍କ ହସ୍ପିଟାଲରେ ମାତ୍ର ୪ଟି ଇଣ୍ଟେନ୍ସିଭ କେୟାର ୟୁନିଟ ଥିବାବେଳେ ସେଠାରେ ପ୍ରତିଦିନ ୧,୫୦୦ ଆହତଙ୍କୁ ଚିକିତ୍ସା ପାଇଁ ଭର୍ତ୍ତି କରାଯାଉଛି। ସେମାନଙ୍କ ମଧ୍ୟରେ ଅନୂ୍ୟନ ୫୦ ଜଣ ପହଞ୍ଚତ୍ବା ବେଳକୁ ପ୍ରାଣ ହରାଇସାରିଥାନ୍ତି ବୋଲି ଡାକ୍ତର ଅଲହାମ୍ସ କହିଛନ୍ତି।