ନୂଆଦିଲ୍ଲୀ,୨୮।୧୦: ଇସ୍ରାଏଲରେ ପ୍ରବେଶ କରି ପାଲେଷ୍ଟାଇନ ଉଗ୍ରବାଦୀ ସଂଗଠନ ହମାସ ଯୋଦ୍ଧାଙ୍କ ଅମାନୁଷିକ କାର୍ଯ୍ୟକୁ ନିନ୍ଦା କରିବା କଂଗ୍ରେସ ଏମପି ଶଶି ଥରୁରଙ୍କୁ ବହୁତ ମହଙଘ୍ଗା ପଡିଛି। କେରଳର ମୁସଲିମ ସମ୍ପ୍ରଦାୟ ପାଇଁ କାର୍ଯ୍ୟ କରୁଥିବା ଏକ ସଂଗଠନ ମହଲ ଏମ୍ପାଓ୍ବାରମେଣ୍ଟ ମିଶନ (ଏମଇଏମ) ଶଶି ଥରୁରଙ୍କୁ ‘ପାଲେଷ୍ଟାଇନ ସଲିଡାରିଟି ପ୍ରୋଗ୍ରାମ’ରୁ ହଟାଇବାକୁ ନିଷ୍ପତ୍ତି ନେଇଛି। ଏହି କାର୍ଯ୍ୟକ୍ରମ କେରଳରେ ୩୦ ଅକ୍ଟୋବରରେ ଅନୁଷ୍ଠିତ ହେବ।
ଏହି କାର୍ଯ୍ୟକ୍ରମକୁ ସମ୍ବୋଧିତ କରିବା ପାଇଁ ଥିରୁଭାନନ୍ତପୁରମ ଏମପି ଶଶି ଥରୁରଙ୍କୁ ନିମନ୍ତ୍ରଣ କରାଯାଇଥିଲା କିନ୍ତୁ ବର୍ତ୍ତମାନ ତାଙ୍କୁ ଏହି କାର୍ଯ୍ୟକ୍ରମରୁ ହଟାଇବାକୁ ନିଷ୍ପତ୍ତି ନିଆଯାଇଛି ବୋଲି ସଂଗଠନ ସୂଚନା ଦେଇଛି।
ନ୍ୟୁଜ ଏଜେନ୍ସି ପିଟିଆଇର ରିପୋର୍ଟ ଅନୁଯାୟୀ, ଏମଏମ ସଭାପତି ଶାହାଜାହାନ ଶ୍ରୀକରିମ କହିଛନ୍ତି ଯେ ଆମେ ତାଙ୍କୁ ଏହି କାର୍ଯ୍ୟକ୍ରମରୁ ହଟାଇବାକୁ ନିଷ୍ପତ୍ତି ନେଇଛୁ ବୋଲି ଥରୁରଙ୍କୁ ସୂଚନା ଦେଇଛୁ। ସେ ଦର୍ଶାଇଛନ୍ତି ଯେ ଅକ୍ଟୋବର ୭ରେ ଇସ୍ରାଏଲରେ ହମାସ ଆତଙ୍କବାଦୀଙ୍କ ଆକ୍ରମଣ ପରେ ସେ ଏହାକୁ ଆତଙ୍କବାଦୀ ଘଟଣା ବୋଲି ଘୋଷଣା କରିଥିଲେ। ଥରୁରଙ୍କ ଏହି ବିବୃତ୍ତି ହେତୁ ଏହି କାର୍ଯ୍ୟକ୍ରମରେ ଅନ୍ତର୍ଭୁକ୍ତ ହେବା ନେଇ ସଂଗଠନ ମଧ୍ୟରେ ବିବାଦ ଦେଖାଦେଇଥିଲା।