ତେଲ ଆଭିବ,୨୪ ।୩: ଇସ୍ରାଏଲ ସଂସଦରେ ଗୁରୁବାର ନ୍ୟାୟପାଳିକାରେ ଆମୁଳ-ଚୁଳ ପରିବର୍ତ୍ତନ ପାଇଁ ପ୍ରସ୍ତାବିତ କିଛି ବିବାଦୀୟ ଆଇନ ମଧ୍ୟରୁ ପ୍ରଥମ ଆଇନକୁ ପାରିତ କରିଛନ୍ତି । ସଂସଦରେ ଏହି ଆଇନ ଏମିତି ସମୟରେ ପାସ ହୋଇଛି, ଯେତେବେଳେ ଏହା ବିରୋଧରେ ସଡ଼କରେ ବିରୋଧ ପ୍ରଦର୍ଶନ ଜାରି ରହିଛି । ପ୍ରଦର୍ଶନକାରୀ କହିଛନ୍ତି, ଏବେ ଦେଶ ନିରଂକୁଶତା ଆଡକୁ ଗତି କରୁଛି ।
ଏହାସତ୍ତ୍ୱେ ପ୍ରଧାନମନ୍ତ୍ରୀ ନେତନ୍ୟାହୁଙ୍କ ମେଣ୍ଟ ଏହି ଆଇନକୁ ଅନୁମୋଦନ କରିଛି । ଏହି ଆଇନ ୧୨୦ ଆସନ ବିଶିଷ୍ଟ କେସେଟ(ସଂସଦ)ରେ ୬୧-୪୭ ଭୋଟରେ ପାରିତ ହୋଇଛି । ଏହି ନୂଆ ନିୟମ ଇସ୍ରାଏଲ ନେତାଙ୍କୁ ଶାସନରୁ ଅଯୋଗ୍ୟ ହେବାରୁ ରକ୍ଷା କରିବ । ଯଦି ତାଙ୍କ ଉପରେ ଚାଲୁଥିବା ଭ୍ରଷ୍ଟାଚାର ମାମଲା ଅନୁପଯୁକ୍ତ ବୋଲି ଧରାଯାଏ ତେବେ ଆଇନଗତ ପରିବର୍ତ୍ତନ କରାଯାଇ ପାରିବ । ଆଇନଗତ ନିଯୁକ୍ତି ବ୍ୟତୀତ ସଂସଦ ଯଦି ଏହାକୁ ପସନ୍ଦ ନ କରନ୍ତି ତେବେ ସୁପ୍ରିମକୋର୍ଟଙ୍କ ନିଷ୍ପତ୍ତିକୁ ବି ବଦଳାଇବାର ଅଧିକାର ପାଇବେ । ଏହା ବିରୋଧରେ ବିରୋଧ ପ୍ରଦର୍ଶନ ଅଧିକ ତୀବ୍ର ହେବ ।