ତେଲ୍ ଆଭିଭ୍,୪ା୧୧:ଇସ୍ରାଏଲୀ ସେନାର ଏୟାରଷ୍ଟ୍ରାଇକ୍ରେ ହେଜ୍ବୋଲ୍ଲାର ଶୀର୍ଷ କମାଣ୍ଡର ଅବୁ ଅଲି ରିଡା ନିହତ ହୋଇଥିବା ଜେରୁଜେଲମ୍ କହିଛି। ଦକ୍ଷିଣ ଲେବାନନ୍ରେ ଇସ୍ରାଏଲୀ ସେନା ବିରୋଧରେ ରକେଟ ଏବଂ ଟ୍ୟାଙ୍କ୍ ବିଧ୍ୱଂସୀ ମିଶାଇଲ ଆକ୍ରମଣ ଯୋଜନା ରିଡା କରିଥିଲେ। ଏୟାରଷ୍ଟ୍ରାଇକ୍ରେ ତାଙ୍କର ମୃତ୍ୟୁ ଘଟିଥିଲେ ମଧ୍ୟ କେଉଁ ସମୟରେ ମୃତ୍ୟୁ ହେଲା ତାହା କୁହାଯାଇ ନାହିଁ। ଗତ ସେପ୍ଟେମ୍ବରରୁ ଇସ୍ରାଏଲ୍ ସେନା ଏବଂ ହେଜ୍ବୋଲ୍ଲା ମଧ୍ୟରେ ଆକ୍ରମଣ ଜାରି ରହିଛି। ଇସ୍ରାଏଲ୍ର ଆକ୍ରମଣରେ ହେଜ୍ବୋଲ୍ଲାର ପୂର୍ବତନ ମୁଖ୍ୟ ହାସନ୍ ନସ୍ରଲ୍ଲାଙ୍କ ସମେତ ଅନେକ ପ୍ରମୁଖ କମାଣ୍ଡର ଏବଂ ନେତା ନିହତ ହେଲେଣି।