ଜେରୁଜେଲମ,୨୩।୧୦ : ଇସ୍ରାଏଲ ଏହାର ଶତ୍ରୁମାନଙ୍କ ବିରୁଦ୍ଧରେ ଖୋଜି ଖୋଜି ହତ୍ୟାକରି ପ୍ରତିଶୋଧ ନେବା ପାଇଁ ଜଣାଶୁଣା। ହମାସ ଆକ୍ରମଣରେ ୧୪୦୦ ଇସ୍ରାଏଲ ନାଗରିକଙ୍କ ମୃତ୍ୟୁ ଘଟିଛି। ଇସ୍ରାଏଲର ଗୁପ୍ତଚର ଏଜେନ୍ସି ମୋସାଦ ଏବଂ ସଚିନ ବେଟ ହମାସଙ୍କ ଆକ୍ରମଣର ପ୍ରତିଶୋଧ ନେବାକୁ ଏକ ସ୍ବତନ୍ତ୍ର କମାଣ୍ଡୋ ୟୁନିଟ ଗଠନ କରିଛନ୍ତି। ଏହି କମାଣ୍ଡୋ ୟୁନିଟର ଉଦ୍ଦେଶ୍ୟ ହେଉଛି ଇସ୍ରାଏଲ ଉପରେ ଆକ୍ରମଣ କରିଥିବା ହମାସ ଆତଙ୍କବାଦୀଙ୍କଠାରୁ ପ୍ରତିଶୋଧ ନେବା। ଗଣମାଧ୍ୟମ ରିପୋର୍ଟ ଅନୁଯାୟୀ, ପ୍ରଥମ ବିଶ୍ୱଯୁଦ୍ଧ ସମୟରେ ଏହି ନୂତନ ୟୁନିଟ ଇହୁଦୀ ଗୁପ୍ତଚର ସଂଗଠନ ‘ନିଲି’ ନାମରେ ନାମିତ ହୋଇଥିଲା।
ଗଣମାଧ୍ୟମ ରିପୋର୍ଟ ଅନୁଯାୟୀ, ଏହି ନୂତନ ୟୁନିଟକୁ ଇସ୍ରାଏଲ ଉପରେ ଆକ୍ରମଣ କରୁଥିବା ହମାସର ନୁଖବା ୟୁନିଟର ଆତଙ୍କବାଦୀଙ୍କୁ ହତ୍ୟା କରିବା ଦାୟିତ୍ୱ ଦିଆଯାଇଛି। ଇସ୍ରାଏଲ ଆକ୍ରମଣରେ ହମାସର ଖାନ ୟୁନିସ ବାଟାଲିୟନ ମୁଖ୍ୟ ବିଲାଲ ଅଲ କେଦରା ଏବଂ ହମାସର କମ୍ପାନୀ କମାଣ୍ଡର ଅଲି କାଦୀଙ୍କ ସମେତ କେତେକ ବରିଷ୍ଠ ହମାସ କମାଣ୍ଡରଙ୍କୁ ମଧ୍ୟ ହତ୍ୟା କରାଯାଇଛି। ଇସ୍ରାଏଲ ଆକ୍ରମଣରେ ହମାସର ନାଖୁବା ୟୁନିଟର ଆତଙ୍କବାଦୀମାନେ ମଧ୍ୟ ନିହତ ହୋଇଛନ୍ତି।