ଜେରୁଜେଲମ,୨୧।୧୧: ଆମେରିକାର ନ୍ୟୁଜ ଚ୍ୟାନେଲ ଏନବିସି ନ୍ୟୁଜରେ କାର୍ଯ୍ୟ କରୁଥିବା ପାଲେଷ୍ଟାଇନର ଜଣେ ଫ୍ରିଲାନ୍ସର୍ ମିରୱାଟ ଅଲ-ଆଜେଙ୍କୁ ଆତଙ୍କବାଦୀ ଉତ୍ତେଜନା ଏବଂ ଆତଙ୍କବାଦୀ ସଂଗଠନ ସହ ସମ୍ପର୍କ ଥିବା ଅଭିଯୋଗରେ ଇସ୍ରାଏଲ ସେନା ଗିରଫ କରିଛି। ଗିରଫ ପରେ ଏନବିସି ନ୍ୟୁଜ ମିରୱାଟଙ୍କ ସହ ଥିବା ସମସ୍ତ ଚୁକ୍ତିନାମାକୁ ବନ୍ଦ କରି ଦେଇଛି।
ପୂର୍ବ ଜେରୁଜେଲମରେ ରହୁଥିବା ମିରୱାଟ ଅଲ-ଆଜେଙ୍କୁ ଅକ୍ଟୋବର ୭ରେ ଇସ୍ରାଏଲ ଉପରେ ହମାସ ଆକ୍ରମଣ ସମ୍ପର୍କିତ ଚାରୋଟି ଫେସବୁକ ପୋଷ୍ଟ ପାଇଁ ଜେଲ ଯିବାକୁ ପଡିଛି। ତେବେ ଫେସବୁକ ପୋଷ୍ଟରେ ମିରୱାଟ କ’ଣ ଲେଖିଛନ୍ତି ସେ ସମ୍ପର୍କରେ କୌଣସି ସୂଚନା ନାହିଁ। ସେହି ପୋଷ୍ଟଗୁଡିକରେ ୪୫ ବର୍ଷିୟ ଅଲ-ଆଜେ କ’ଣ ଲେଖିଛନ୍ତି ତାହା ଅସ୍ପଷ୍ଟ, କିନ୍ତୁ ଜେରୁଜେଲମ ପୋଷ୍ଟ ଅନୁଯାୟୀ, ଜେରୁଜେଲମ ମାଜିଷ୍ଟ୍ରେଟ କୋର୍ଟରେ ହୋଇଥିବା ଶୁଣାଣିରେ ପୋଲିସ ମିରୱାଟଙ୍କୁ ସାଧାରଣ ନାଗରିକଙ୍କ ବିରୁଦ୍ଧରେ କରାଯାଇଥିବା ଭୟଙ୍କର କାର୍ଯ୍ୟକଳାପକୁ ଉତ୍ସାହିତ ଏବଂ ଗୌରବାନ୍ବିତ ବୋଲି ବର୍ଣ୍ଣନା କରିଛି।
ଏନବିସି ନ୍ୟୁଜ କହିଛି ଯେ ମିରୱାଟ ଆଉ ସେମାନଙ୍କ ସହ କାମ କରିବାକୁ ସକ୍ଷମ ନୁହଁନ୍ତି। ଏନବିସି ମୁଖପାତ୍ର କହିଛନ୍ତି ଯେ ଆମେ ନିକଟରେ ତାଙ୍କୁ ଜଣେ ଫ୍ରିଲାନ୍ସର୍ ଭାବରେ ନିଯୁକ୍ତି ଦେଇଥିଲୁ; ତାଙ୍କର ବ୍ୟକ୍ତିଗତ ତଥା ସୋସିଆଲ ମିଡିଆ ସୂଚନା ବିଷୟରେ ଆମର ସୂଚନା ନ ଥିଲା, ଯାହା ଇସ୍ରାଏଲ ଅନୁସନ୍ଧାନର ଆଧାର ଅଟେ।