ଜେରୁଜେଲମ,୩୧।୧୦: ଇସ୍ରାଏଲ ସୈନ୍ୟବାହିନୀ ଗାଜା ଭିତରକୁ ପ୍ରବେଶ କରିଛନ୍ତି। ଏହି ଅପରେସନ ସମୟରେ ସେ ତାଙ୍କର ଜଣେ ବନ୍ଦୀ ଥିବା ମହିଳା ସେନାଙ୍କୁ ମୁକ୍ତ କରିଥିଲେ। ଏହି ମହିଳା ସେନାଙ୍କୁ ଅକ୍ଟୋବର ୭ରେ ହାମାସ ଯୋଦ୍ଧାମାନେ ଇସ୍ରାଏଲରୁ ଅପହରଣ କରି ନେଇଥିଲେ ଏବଂ ସେବେଠାରୁ ତାଙ୍କୁ ବନ୍ଦୀ କରି ରଖାଯାଇଥିଲା।
ଏହି ମହିଳା ସେନାଙ୍କ ନାମ ଓରି ମେଗିଡିଶ ବୋଲି କୁହାଯାଇଛି। ତାଙ୍କର ସ୍ବାସ୍ଥ୍ୟ ଯାଞ୍ଚ ପାଇଁ ପଠାଯାଇଛି, କିନ୍ତୁ ଦୂରରୁ ସେ ସୁସ୍ଥ ଥିବା ଜଣାପଡୁଛି।
ଏହି ସମୟରେ, ଗାଜାରେ ହୋଇଥିବା ଯୁଦ୍ଧରେ ଜର୍ମାନୀର ବନ୍ଦୀ ଥିବା ଝିଇ ଶନି ନିକୋଲ ଲୁକଙ୍କର ମୃତ୍ୟୁ ହୋଇଥିବା ସୂଚନା ମିଳିଛି। ଅକ୍ଟୋବର ୭ରେ ଇସ୍ରାଏଲରେ ଚାଲିଥିବା ଏକ ସଙ୍ଗୀତ ମହୋତ୍ସବରୁ ଏହି ଝିଅକୁ ଅପହରଣ କରି ଗାଜାରେ ବନ୍ଦୀ ରଖାଯାଇଥିଲା। ଜର୍ମାନ ଚାନସେଲର ଓଲୁଫ ସୁଲ୍ଜ ଶାନୀଙ୍କ ମୃତ୍ୟୁକୁ ନେଇ ଦୁଃଖ ପ୍ରକାଶ କରିଛନ୍ତି ଏବଂ ତାଙ୍କ ହତ୍ୟାକୁ ହମାସଙ୍କ ବର୍ବର କାର୍ଯ୍ୟ ବୋଲି କହିଛନ୍ତି।
ଅକ୍ଟୋବର ୭ରେ ହୋଇଥିବା ଆକ୍ରମଣରେ, ହମାସ ଯୋଦ୍ଧାମାନେ ଇସ୍ରାଏଲରୁ ୨୨୯ଲୋକଙ୍କୁ ଅପହରଣ କରି ଗାଜାର ବିଭିନ୍ନ ସ୍ଥାନରେ ବନ୍ଦୀକରି ରଖିଛନ୍ତି। ସେମାନଙ୍କ ମଧ୍ୟରୁ ଅନେକ ବିଦେଶୀ ନାଗରିକ। ଏଥିମଧ୍ୟରୁ ୪ମହିଳା ହମାସ ଦ୍ୱାରା ମୁକ୍ତ ହୋଇଥିବାବେଳେ ଇସ୍ରାଏଲର ଆକ୍ରମଣରେ ୫୦ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି।